Comissão da Função Pública

Bazeia ba orientasaun husi Primeiru Ministru ba iha Komisaun Funsaun Públika hodi halo vizita traballu ida ba RAEOA ne’ebé lidera husi Prezidente Komisaun Funsaun Públika, Agostinho Letêncio de Deus, komisáriu José Telo Soares Cristovão akompaña husi Diretor Nasionál Sistema Jestaun Funsaun Públika, Moises Almeida Sousa Pedroso hamutuk ho ekipa durante loron tolu (15-17/91/2024) hodi haree no rona direta ba problema edukasaun no saúde ba funsionárius kontratadus iha RAEOA.

Enkontru KFP ho diretor no xefe departamentu regional Oe-Cussr iha salaun enkontru Administrasaun Munisipal Oenunu rejiaun Oe-Cusse hodi buka hatene situasaun loloos funsionáriu kontratadu hirak ne’eb;e kontratu iha tinan hirak liu ba no kontratadu sira seluk, esplika Prezidente KFP Agostinho Letêncio de Deus.

Hafoin enkontru ekipa ne’ebé lidera husi Prezidente KFP kontinua vizita ba diresaun servisu saúde no agrikultura nian hodi rona diretamente akompaña husi Diretor no xefe departamentu rejional hodi haree situasaun no forsa traballu ba iha kada instituisaun.

Durante observa iha setór rua ne’e Prezidente KFP konsidera servisu saúde sufisiente hela maske funsionáriu kontratadu ninia kontratu remata ona iha 31 dezembru 2023, maibé jestor ospitál RAEOA jere rekrusu médiku sira ne’e ho efikaz hodi garante atendimentu ba pasiente sira.

Enkuantu, ajente adminitrasaun públika iha 747 mak eziste antes estabelese RAEOA kompostu husi professores 424, no restu 326 ne’e servisu iha instituisaun sira iha administrasaun públika. Alende ne’e iha kontratadus ho termu sertu hamutuk nain 500 ne’ebé mak remata tiha ona kontratu iha tinan kotuk, maske sesante Prezidente Autoridade RAEOA, Arsenio Paixão Bano hato’o ona pedidu extensaun kontratu ba kontratadu nain 1393 ba Primeiru Ministru atual IX Governu maibé seidauk iha resposta.