Categories: Notícias

KFP NO UNTL ENTREGA SERTIFIKADU BA FUNSIONÁRIU REFORMADU SIRA

DÍLI, 29 Setembru 2026 – Komisáriu Komisaun Funsaun Públika (KFP), Jorge Paiva Araújo, hamutuk ho Administrádor Jerál Universidade Nasionál Timor Lorosa’e (UNTL), José Luís Ximenes, hala’o serimónia distribuisaun sertifikadu apresiasaun no sertifikadu tempu servisu ba funsionáriu públiku sira ne’ebé reforma ona, iha sala Auditóriu Faculdade de Ciências Sociais e Políticas-FCSP UNTL Caicoli Díli.

Atividade ne’e ho objetivu hodi fo rekonhesementu ofisiál ba sira-nia dedikasaun, valoriza no sabedoria ba jerasaun foun, no hametin institusionál.

Administradór Jerál Universidade Nasionál Timor Lorosa’e (UNTL), José Luís Ximenes, iha serimónia ne’e, hato’o agradesimentu ba kontribuisaun valioza husi profesores no staf administrativu sira hodi hakbit rekursu umanu no sustenta kualidade ensino nian.

Komisariu Komisaun Funsaun Publika (KFP), Jorge Paiva Araújo, haktuir katak bazeia ba Lei n.º 7 no Dekretu-Lei n.º 9 tinan 2026, estadu aplika reforma obrigatória ba funsionáriu sira ne’ebé atinji ona idade tinan 65, no hafoin verifikasaun dadus, rejista totál funsionáriu rihun ida atus sia walu-nulu resin lima (1,985) maka tama iha lista reforma, ho númeru ne’e, mai husi Ministériu Edukasaun na’in rihun ida atus tolu (1,300) no UNTL na’in tolu-nulu resin tolu (33), no Bazeia ba Artigu 116.º-B (aliña C no D), KFP fó toleránsia no estensaun prazu loron 90 dias ba UNTL halo ajustamentu, hodi evita impaktu ba prosesu dezenvolvimentu rekursu umanu nian.

Reprezentante funsionáriu reformadu sira husi UNTL, Abrão dos Santos hato’o agradesementu  no rekonhesementu bo’ot ba Komisaun Funsaun Públika (KFP) no estrutura Universidade nian, ba apoiu institusionál ne’ebé fó durante sira nia dedikasaun no esforsu hodi lao hamutuk ho instituisaun ne’ebe hakat liu ona, sai hanesan pilar ne’ebé hodi hametin no habelar dezenvolvimentu Universidade Nasionál Timor Lorosa’e (UNTL).

Iha fatin hanesan, Distribui mós sertifikadu apresiasaun tempu servisu ba funsionáriu públika ne’ebé reformadu. Partisipante mai husi Komisario KFP, Administradór Jerál UNTL, no Visu-Reitór UNTL, Kargu Diresaun no Xefia, Dekanu, Funsionáriu no Profesores husi Rejime Jerál no Rejime Espesiál, inklui Funsionáriu reformadu sira no media.

Share

Recent Posts

KFP no BNCTL asina memorandum entendimentu atu fasilita asesu kreditu ba funsionáriu públiku

Sexta-feira, 6 Novembru 2026 – Komisaun Funsaun Públika (KFP) no Banku Nasionál Komersiál Timor-Leste (BNCTL)…

1 semana ago

Presidente KFP Visita Embaixada Timor Leste iha Portugal

Lisboa, 4 de Novembro de 2026, Visita Presidente CFP, Agostinho Letêncio de Deus ba Embaixada…

2 semanas ago

REUNIAUN REGULÁR TRIMESTRÁL DATOLUK BA INSPETORES NO AUDITORES HUSI LIÑAS MINISTERIAIS TINAN 2026

Kinta-feira, 22 Outobru 2026 - Reuniaun regulár trimestrál datoluk ba inspetór no auditór sira husi…

3 semanas ago

Presidente Juri Jose Soares Ho Ekipa Hala’o Enkontru Ho Prezidente Komisaun Funsaun Públika, Agostinho Letêncio De Deus No Komisaria Anita Tavares Ribeiro De Jesus

Dili – Prezidente juri rekrutamentu ajente foun PNTL nian, Jose Soares ho ekipa hala’o enkontru…

4 semanas ago

KFP fo Formasaun Public Speaking ba nia Funsiunariu sira

Aileu, 12 Outubru 2026 Prezidente Komisaun Funsaun Públika (KFP), Agostinho Letêncio de Deus, halo lansamentu…

1 mês ago

ATIVIDADE FORMASAUN KARAKTER “DEZENVOLVE FUNSIONARIU HO KARÁKTER NO INTEGRIDADE BA DIGNIDADE NO IMAGEN INSTITUISAUN ESTADU”

Formasaun karakter peridu ida ne’e, formasaun segunda faze nian ho total partisipantes hamutuk 171 funsiunariu…

1 mês ago