Comissão da Função Pública

LETEFOHO-Segunda Feira, 28 Setembru 2026, Prezidente Komisaun Funsaun Públika, Agostinho Letêncio de Deus ho Komisariu sira partisipa iha serimonia abertura Formasaun Karater ba 2⸰ Turnu Periodu 2026, ho topiku  “Dezenvolve Funsionariu ho Karater Forte no Integridade ba Dignidade no Imajen Instituisaun Estadu” iha Sentru Formasaun Paroquia Letefoho Munisipiu Ermera.

Iha serimonia abertura Formasaun ne’e breves palavra husi Xefe Estadu Maior Falintil-Forsa Defeza Timor Leste Jose da Costa Soares-TRIX agradese ba prezidente KFP tamba fo fiar nafatin ba Instituisaun F-FDTL, hodi bele kontinua fo formasaun karater ba segundu II turnu ninian, hanoin iha primeiro faze ne’e keta iha falhansu ruma, maibe momentu hala’o enkontru ho Sua, Ex. Primeiro Ministru, Sua Ex. Prezidente-KFP rasik mak ko’alia dehan, Formadores/formadu sira iha etapa primeiru ne’e la’o diak, tamba kooperasaun diak entre formadu ho formadores sira, tamba ne’e mak agora dau-dauk abertura ona ba etapa segunda  faze ba Formasaun Karater tinan 2026 nian.

Trix hateten, ohin formandus sira kanta marsa funsaun públika nian, anota mos lia fuan ida ka rua ne’ebe temi lia Lealdade no Compaição katak atu servi Estadu, no ohin dada bandeira ne’e mos kanta Patria katak, Servisu ba ita nia sidadaun sira no ba ita nia rai.

Nia hateten Funsionariu ho F-FDTL iha diferente oituan de’it, forsas sira halo juramentu atu mate, no Funsionariu Públiku halo juramentu atu servi ho badinas ba ita nia rai hodi dezenvove ita nia nasaun-RDTL.

Iha parte seluk Diskursu Ministru Justisa Sergio de Jesus Fernades da Costa Hornai hateten, lori IX Governo Konstitusional nia naran hakarak fo votus de komfiansas ba  kooperasaun institusional para bele hare  dezenvolvimentu institusional ninian, iha formasaun karakter, nune’e bele hatudu,  bainhira ko’alia kona-ba karakter hare husi hahalok no komportamentu iha ita em nia moris iha vida sosiedade ida ne’e.

Ministru justisa rekoinese KFP ho Komando F-FDTL iha duni pedagojika ne’ebe di’ak no hatudu duni kapasidade atu bele interpreta programa IX Governo Konstitusional ninian hodi introduz politika etika de antolojia ba  sidadaun sira liu-liu ba funsionarius públiku sira ne’ebe ohin halo formatura iha ne’e, sira partisipa ativamente ba formasaun sira ne’ebe maka hahu tempu liu iha metinaro nian.

Tuir ministru katak, formasaun ida ne’e hanesan formasaun pilotu ida ne’ebe halo tuir  asertasaun ida husi KFP hodi aprezenta motivasaun ka razaun sira hotu ba governo liu-liu iha Prezidencia Konsellu Ministru no ohin  bele realiza formasaun karater 2⸰ turnu nian iha Postu Administrativu Letefoho, Munisipiu Ermera. Iha momentu ne’e mos Ministru Justisa apela ba Komisaun Funsaun Públika atu buka asertasaun ho liñas ministeriais relevantes sira hodi hatur no forma ho lolo’os ba etika pedagojika ninian, para atu eleva no forma karater sentidu paixão no domin ba iha ita nia paiz no servisu ba sidadaun sira, hodi  nune’e ba futuru bele hetan kualifikasaun ida ne’ebe maka diak liu tan.