Diretor Nasional ba Sistema Informátiku Jestaun Funsaun Públika, Moises de Almeida Pedroso, Xefe Unidade Dezenvolvimentu ba Sistemas Informasaun Funsaun Públika (UDSIFP), Marfilho Fidel Alvares Pereira no pontu fokal Lorga dos Santos ne’ebé reprezenta Komisaun Funsaun Públika partisipa iha ASEAN+3 WORKSHOP ON PUBLIC SECTOR REFORM ne’ebé realiza iha 28-30 maiu 2024 Pullman Kuala Lumpur, Malázia.
Objetivu husi workshop ida ne’e atu mellora efikasia prestasaun serivsus ba iha preparasaun setór públiku iha futuru mai liu husi reforma setór públiku. Alende ne’e partilla mós koñesimentus, prátika di’ak sira no esperiensias relativas ba iha reforma setór públiku sira husi kada paíz membru ASEAN ninian hodi bele adapta, aborda reforma ida adekuadu iha setór públiku tuir nesesidade no situasaun husi estadu membru ASEAN.
Iha sesaun aprezentasaun ne’e, membru ASEAN divulga matéria relasiona ho reforma sira iha setór públiku ho baze ba iha prátika di’ak ne’ebé peritu sira partilla durante loron rua nia laran kona-ba public sector reform framework, Malaysian government performance index, digitalisation of public service delivery, government technology (govtech) maturity development index, future-ready talent no aprezentasaun mós husi funsaun públika Australia nian kona-ba australian public service reform.
Iha oportunidade ne’e mós Komisaun Funsaun Públika Timor-Leste partilla mós sistema, prátika di’ak sira ne’ebé durante ne’e implementa, sistema digitalizasaun baze dadus ne’ebé dezenvolve husi funsionárius timoroan rasik iha KFP.
Hafoin aprezentasaun, iha mós perguntas husi membru ASEAN sira kona-ba difikuldade saida mak hetan iha Funsaun Públika Timor-Leste relasiona ho digitalizasaun no oinsá atu solusiona.
Nune’e reprezentante KFP Xefe Unidade Dezenvolvimentu ba Sistemas Informasaun Funsaun Públika (UDSIFP), Marfilho Fidel Alvares Pereira esplika, iha Funsaun Públika Timor-Leste daudaun ne’e sei menus iha rekursu umanus ne’ebé ho koñesimentu ida adekuadu ba iha digitalizasaun, nune’e liu husi atividade hirak ne’e bele aprende barak liu tan ba iha prátika di’ak sira husi paíz membru ASEAN.
Ekipa sira mós halo vizitas ba iha PETRONAS Kuala Lumpur no Cultural Craft Complex Kuala Lumpur.
DÍLI – Prezidente no Komisárius Komisaun Funsaun Públika (KFP), ne’ebé akompaña husi Sekretária Ezekutiva, hala’o…
07 Abríl 2026, Vizita Primeiru-Ministru Kay Rala Xanana Gusmão mai KFP hodi konfirma pagamentu ba…
DILI – Komisaun Funsaun Públika (KFP) hamutuk ho Institutu Nasionál Seguransa Sosiál (INSS) foti pasu…
DILI, 26 Marsu 2026 – Komisáriu Komisaun Funsaun Públika (KFP) ba asuntu Planeamentu Forsa Traballu,…
DILI, 25 Marsu 2026 – Prezidente Komisaun Funsaun Públika (KFP), Agostinho Letêncio de Deus, hamutuk…
DILI – Komisaun Funsaun Públika (KFP) foti ona desizaun ba kazu alegasaun asédiu seksual ne’ebé…