Comissão da Função Pública

Prezidente no Komisárius KFP akompaña husi Sekretária Ezekutiva SKFP hala’o enkontru ida ho Prezidente APORTIL I.P ho nia ekipa hodi ko’alia kona-ba nomeasaun kargus diresaun xefia ne’ebé mak la’o ona no fó ona posse husi Ministru MTK no Prezidente APORTIL I.P.

Wainhira asume kargu nu’udar Diretor Jeral ho Diretor Nasional tenke liu husi baze legal ka regras Legais ne’ebé iha ka tuir Méritu ne’ebé pervalese no bazeia ba despaisu Ministru nian kona-ba prosesu Administrativamente prenxe hotu kedas maibé, infelizmente verifika no identifika iha balun mak la prense rekezitus, esplika Komisáriu António Freitas iha enkontru refere.

Tuir klarifikasaun katak, durante verifikasaun identifika funsionáriu Públiku ho grau E foti hodi asume kargu Diresaun Nasional  iha APORTIL I.P, ho razaun ne’e Komisáriu António  Freitas rekomenda ba Prezidente APORTIL I.P atu loke vagas internu ka públiku hodi tuir teste méritu atu nune’e tuir Dekretu sira no Estatutu Funsaun Públika nian.

Durante enkontru, Prezidente Komisaun Funsaun Públika Faustino Cardoso Gomes subliña, papel Komisaun Funsaun Públika atu asegura komplementu regras legais no asegura armonizasaun funsionamentu Administrasaun Públika, maske Komisaun entende katak, Administrasaun indireta sira iha sira nia autonomia rasik maibé, Komisaun iha nafatin kompetênsia atu fiskaliza no haree prosesu sira ne’ebé tuir  regras no rekezitus legais.

Relasiona ho kargu no Xefia sira, Prezidente APORTIL I.P, Lamartino de Oliveira aprezenta nia prontidaun hodi tuir rekomendasaun ka indikasaun sira husi KFP.

Enkontru ne’e hala’o iha Gabinete Prezidente iha KFP Matadouro, Díli.