Comissão da Função Pública

Komisaun Funsaun Públika, UNTL no INAP Segunda feira, 26 setembru 2022, asina akordu kooperasaun iha âmbitu Formasaun Metodolojia Peskiza Kualitativa nian ba funsionárius KFP.

Antes Asina akordu Prerzidente da Komisaun Funsaun Publika Faustino Cardoso Gomes hateten, formasaun ne’e iha kategoria prinsipal rua, maka formasaun jenérika no formasaun espesífika no durante ne’e KFP ho INAP halo ona formasaun oi-oin hanesan Indusaun no sira seluk no agora daudaun abranje tan ba metodolojia Peskija kualitativu ne’ebé di’ak ba funsionarius públikus sira iha futuru.

Tuir esperiensia Komisaun nian durante ne’e relatóriu sira ne’e dala barak mai ho kualitativu halo análie ba data kuantitativu sira maibé, iha limitasaun kona-ba oinsá maka atu avansa klean liu tan ho narativas sira ne’ebé ezije duni estratejia no kapasidade téknika sira balun husi parte sira ne’ebé maka halo relatoriu.

“Formasaun ne’e kona-ba métodu peskiza kualitativa nian, atu oinsá hasae liu tan koñesimentu, matenek, esperensia hakerek relatóriu sira ho natureza kualitativu, narativu, situasaun ida ne’ebé Komisaun observa iha lakuna, defisiensia barak iha nivel funsaun públika ninian, tanba ne’e KFP hola inisiativa atu oinsá servisu hamutuk ho UNTL ninian sentru investigasaun sientífika CNIC hamutuk ho INAP, tanba orsamentu ne’e mai husi FDCH no INAP, tanba ne’e asinatura akordu kobre ba instituisaun tolu,” informa Prezidente KFP, Faustino Cardoso Gomes.

Iha oportunidade ne’e Reitor UNTL, João Soares Martins sente satisfeitu tanba, konsidera UNTL atu fornese mós formasaun iha área peskiza nian liu husi metodolojia kualitativu, wainhira halo relatóriu karik superior sira bele inteira liutan.

Reitor UNTL elojia ba inisiativa ne’e tanba, importante tebes ho nune’e instiuisaun Estadu bele fó atensaun makaas liu tan hodi ekipa prepara sira nian ann ho di’ak liu tan atu bele fornese formasaun ne’ebé maka Estadu hakarak.

Iha tempu hanesan Diretor Jeral Agostinho Letêncio de Deus konsidera, asinatura akordu ne’e hanesan pasu importante ida atu hatudu katak, servisu ho funsaun peskiza ne’e importante tebes iha liñas ministeriais hot-hotu.

Diretor Jeral sente kontente ho asina akordu ne’e tanba hahu ona utiliza rekursus sira ne’eb’e maka iha rai laran atu bele fornese formasaun ho di’ak.