Comissão da Função Pública

Komisaun Funsaun Públika konvida Ministra Saúde hodi aprezenta kona-ba dadus progresaun ba profisionais saúde hamutuk 1,831 ne’ebé iha tempu besik sei progride.

Enkontru ne’e kompromisu ona entre KFP ho Ministériu Saúde ne’ebé ami halo servisu desde 2021, ne’ebé atu haree de’it ba profisional saúde sira, liu-liu ba sira ne’ebé goza rejime espesial. Ne’ebé KFP konvida atu aprezenta rezultadu pessoal se loos mak goza rejime espesial ne’ebé elejibel atu bele atu haree sira nia direitu ba iha progresaun nian, bainhira halo avaliasaun ba ita nia profisionais saúde sira bom dala 3 nia eskalaun sa’e, muito bom 2 ka bom no muito bom interkala entaun dala 3 mak foin sae eskalaun no hetan ninia rejime ne’e. Progresaun ne’e kuaze tinan 10 la iha mudansa, entaun saúde servisu hamutuk ho KFP no téknika sira hodi bele halo ona pagamentu ba profisionais saúde iha serteza katak, bele rezolve no halo ona pagamentu ba sira nia progresaun iha fulan novembru nia laran ho total hamutuk 1,831 ne’ebé mak elejibel goza progresaun, esplika Ministra Saúde, Odete Maria Freitas Belo.

Enkuantu iha profisionais balun hamutuk nain 368 mak presiza kompleta sira nia  dokumentu, bainhira dokumentu kompleta ona KFP bele atualiza automátika, nune’e pessoal saúde ka ministériu saúde, haklean Ministra Saúde.

Iha tempu hanesan Prezidente KFP, Faustino Cardoso Gomes esplika katak, iha âmbitu atu haree ba profisionais saúde ninian, kuantu temi profisionais saúde kobre ba médiku jerais, médikus espesialistas oi-oin, iha parteiras, enfermeirus, téknikus aliadus oi-oin ida-idak ho ninia rejime espesial.

Iha sesaun ne’e Diretor Nasional Baze Dadus Funsaun Públika aprezenta dadus ne’ebé mak ekipa téknika durante ne’e sevisu hamutuk ho rekursu umanus saúde nian ho ekipa téknika SKFP hodi haree ba situasaun ne’e.

Enkontru ne’e hala’o iha segunda feira, (26/09) iha sala enkontru KFP Matadouro, Díli.