Comissão da Função Pública

Segunda-feira, 17/03/2025 – Prezidente Komisaun Funsaun Públika, Agostinho Letêncio de Deus akompaña Inspetora KFP, Sonia da Silva Soares partisipa aktividade diseminasaun kona-ba dekretu lei númeru 43/2024, 20 dezembro no dekretu lei no. 38/2024. 27 novembru kona-ba regulamentu auditoria interna ba Inspetor Jeral, Konsellu Fiskal no Fiskal Úniku, ne’ebé organiza husi Unidade Inspesaun Jeral no diresaun jeral tezoreiru apoiu husi unidade juridiku Ministériu Finansas, ne’ebé hala’o  iha salaun enkontru Kayrala Xanana Gusmão  Ministério Finansas.

Primeiru-Ministru, Kayrala Xanana Gusmão iha diskursu abertura konsidera, enkontru importante no enkoraja servisu auditoria interna iha kada liñas ministeriais atu halo servisu ho responsabilidade, hodi asegura kualidade kontrolu ba ezekusaun orsamentu jeral Estadu tuir pur programa iha kada instituisaun Estadu ba iha projetu dezenvolvimentu nasional tuir normas no regra sira ne’ebé orienta ba ezekusaun ho prinsipiu ida  “uza osan povu nian jere ho di’ak”.

“Husu servisu auditria interna kada liñas ministeriais sai tilun matan povu nian ba fundu minarai no indepedensia Timor Leste nian ba povu rasik sosa ho ruin ho ran tenki hala’o servisu ho di’ak no kualidade  ba iha prosesu konsolidasaun Estadu ne’ebé konta ho partisipasaun orgaun soberanu sira hotu Prezidente Repúblika, Parlamentu Nasional no Governu hamutuk ho setór privadu sira”.

Iha ámbitu ezekusaun orsamentu jeral Estadu 2025 ezije papel gabinete inspesaun jeral, konsellu fiskal no fiskal úniku iha kada instituisaun públiku hotu atu maksimiza akompañamentu no kontrolu hodi garante ezekusaun tuir prosedimentu no regras legais sira vigor hodi kontribui ba bens estar povu tomak nian.

Hafoin abertura husi Primeiru-Ministru kontinua aprezentasaun husi unidade inspesaun jeral no diresaun jeral terzoreiru apoiu husi unidade juridiku Ministériu Finansas hodi halo aprezentasaun dekretu lei no 38/2024 sobre regulmentu auditoria interna no dekretu lei no 43/2024 sobre ezekusaun orsamentu jeral Estadu 2025.

Partisipa iha diseminasaun ne’e husi Inspetoria Jeral Estadu (IGE), Inspetores husi liñas Ministeriais no Instituisaun sira hotu inklui konsellu fiskal no fiskal úniku.