Comissão da Função Pública

Tersa feira, 28 Maiu 2019 –  Prezidente Interinu Komisaun Funsaun Públika, Komisariu  asuntu Formasaun, SIGAP no Forsa Traballu, José Telo Soares Cristovão hamutuk ekipa komisaun organizadora Ministeriu Justisa kontinua halo abertura ba Desportu modalidade Xadréz (Catur), iha diresaun Rejistu Notariadu, Ministeriu Justisa, Bebora, Dili.

Prezidente Interinu KFP, José Telo Soares Cristovão iha nia intrvensaun agradese komisaun organiozadora Ministeriu Justisa tamba konsege envolve mós desportu modalidade xadréz nu’udar aktividade uluk, maibé iha partisipasaun maximu husi jogadores funsionarius publikus hodi komemora loron Nasional Funsaun Públika ba dala V tinan 2019 ne’e.

Tuir Prezidente Interinu importansia husi kompetisaun modalidade xadréz ne’e importante, tamba jogadores sira halo planu no estratejia hodi bele manan iha kompetisaun, nunee mós  atu  hametin relasaun entre funsionariu publiku sira no estratejia ne’ebé uza iha kompetisaun modalidade xadrés bele habelar iha servisu loro-loron hodi halo atendimentu ho efikasia ba públiku  hodi evita birokrasia boot  no naruk iha prosesu atendimentu.

Jogadores hamutuk 80 inklui feto nain neen, no jogador sira mai husi ministeriu hotu no jogo ne’e hala’o durante loron haat, hahu tersa feira horseik (28/05) no sei remata sexta feira semana ne’e hodi komemora loron Nasional Funsaun Públika, iha loron 15 fulan Jullu tinan 2019 ne’e.

Entretantu, tempu besik komisaun organizadora hamutuk ho Komisaun Funsaun Públika sei kontinua lansa kompetisaun desportu modalidade badminton no tenis meja.