Comissão da Função Pública

Kuarta-feira, 24/09/2025 – Komisáriu Komisaun Funsaun Públika, Fausto Freitas da Silva Liurai Taci partisipa sesaun Plenaria Extraordinaria Parlamentu Nasionál Timor-Leste iha âmbitu vizita ofisial Primeiru-Ministru Malázia S.E YAB Dato Seri Anwar Bin Ibrahim.

Sesaun Plenaria Extraordinaria ne’e prezide husi Prezidente Parlamentu Nasionál Maria Fernanda Lay hahú ho palavras husi bankadas sira no iha diskursu ne’e agradese ba Governu Malázia ninia komitmentu apoiu ba Timor-Leste sai membru ASEAN.

Enkuantu Primeiru-Ministru Malázia YAB Dato Seri Anwar Bin Ibrahim iha diskursu, apresia sistema demokratizasaun iha Timor-Leste, tamba iha sesaun Plenaria Extraordinaria Parlamentu Nasionál iha oportunidade hanesan halo diskursu entre bankada Governu no partidu opozisaun sira, no konsidera, maske Timor-Leste nia demokrasia foin dezenvolve maibé bele sai referensia ba nasaun dezenvolvidu sira seluk.

Primeiru-Ministru ne’e mós sita katak, iha âmbitu Timor-Leste nia preparasaun ba membru ASEAN, Governu Malázia hatudu vontade hodi kontinua apoiu sai membru plenu iha fulan Outubru ne’e. 

Entretantu iha parte lokraik, Komisáriu KFP, Fausto Freitas da Silva Liurai Taci kontinua partisipa iha série palestras presidensiais ba dala IV iha tinan 2025 ho tema prinsipal Política e Governação, ne’ebé palestrante espesial S.E YAB Dato Seri Anwar Bin Ibrahim, Primeiru-Ministru Malázia.

Nune’e, Prezidente Repúblika, José Manuel Ramos Horta iha okaziaun ne’e kondekora Premeiru-Ministru Malázia YAB Dato Seri Anwar Bin Ibrahim ho orden kolar Timor-Leste.

Eventu vizita espesial Primeiru-Ministru Malázia ne’e partisipa husi Primeiru-Ministru Kay Rala Xanana Gusmão ho membru Governu sira, Prezidente PN no membru sira, Prezidente Tribunal Rekursu, korpu diplomátiku, autoridade sivil no militar. Parlamentu Nasional no membro parlamentu Nasional, presidenti tribunal rekursu, autoridade sivil no military, estudantes universitárius no igreija.