Sekretária Estadu Igualdade (SEI) Elvina de Sousa Carvalho ho nia Komitiva, iha segunda-feira, 02 Juñu 2025 hala’o vizita kortezia iha Komisaun Funsaun Públika (KFP), Matadouro, Dili hodi ko’alia kona-ba balansu igualdade jéneru iha funsaun públika.
Sekretáriu Estadu Igualdade nia vizita kortezia no enkontru ho KFP hodi haree kona-ba promosaun igualdade iha Funsaun Públika no ko’alia mós kona-ba problema asédiu seksual no oinsá ba oin ba servisu hamutuk garante igualdade no inkluzaun iha polítika balansu igualdade jenéru iha funsaun públika, esplika Sekretária Estadu Igualdade (SEI) Elvina de Sousa Carvalho.
Nune’e Prezidente KFP, Agostinho Letêncio de Deus hateten, KFP halo mós aprosimasaun ho ministériu sira hodi diskute asuntu sira relevantes no espesífiku ba kada liñas ministeriais, tanba ne’e mak vizita SEI nian ami diskute ba asuntu jéneru nian.
Ba oin sei iha ekipa ida kompostu husi SEI no KFP hodi hahú diskute medidas, planu sira ne’ebé mak diskute husi kada asuntu ne’ebé iha. No iha enkontru ne’e aprezenta mós prioridade 18 komponentes husi VI mandatu hodi haree mós ba iha kestaun igualdade jéneru, atu bele kria balansu iha nivel funsaun públika, dehan Prezidente KFP.
Iha enkontru kortezia ne’e halo mós aprezentasaun dadus iha SIGAP FOUN KFP Nian ba Sekretaria Estadu Ingualdade, hafoin enkontru, Prezidente KFP entregra mós livru planu prioridade IV mandatu nian ba Sekretáriu Estadu Igualdade.
DÍLI – Prezidente no Komisárius Komisaun Funsaun Públika (KFP), ne’ebé akompaña husi Sekretária Ezekutiva, hala’o…
07 Abríl 2026, Vizita Primeiru-Ministru Kay Rala Xanana Gusmão mai KFP hodi konfirma pagamentu ba…
DILI – Komisaun Funsaun Públika (KFP) hamutuk ho Institutu Nasionál Seguransa Sosiál (INSS) foti pasu…
DILI, 26 Marsu 2026 – Komisáriu Komisaun Funsaun Públika (KFP) ba asuntu Planeamentu Forsa Traballu,…
DILI, 25 Marsu 2026 – Prezidente Komisaun Funsaun Públika (KFP), Agostinho Letêncio de Deus, hamutuk…
DILI – Komisaun Funsaun Públika (KFP) foti ona desizaun ba kazu alegasaun asédiu seksual ne’ebé…