Comissão da Função Pública

Suspensaun ba rekrutamentu ne’ebé mak Konsellu Ministru suspende baze ba pedidu husi Komisaun Funsaun Públika atu responde ba rekrutamentu sira iha rejime jeral exeptu rejime espesial.

Prezidente Komisaun Funsaun Públika, Agostinho Letêncio de Deus esplika ba jornalista katak, suspensaun ne’e bazeia ba pedidu mai husi KFP atu responde ba rekrutamentu sira iha rejime jeral, no ba iha rekrutamentu ne’e ita fó nafatin prioridade ba ministériu rua, saúde no edukasaun. Tanba ministériu rua ne’e mai ho rejime espesial, por enquanto ita mós iha hela prosesu atu bele troka professores sira ne’ebé mak atu reforma no ba ministériu saúde hanesan ita haree daudaun iha de’it forsa traballu 4 mil resin, ne’ebé mak médiku por volta de 3 mil no husi ne’e mós balun sei reforma, tanba ne’e mak nesesaria tebes ba KFP prioritiza uluk rekrutamentu sira ne’ebé mak ho rejime espesial.

Suspensaun ne’e temporaria, wainhira ita implementa ona kareira rejime foun, wainhira ita aprezenta ona tamañu forsa traballu ida ideal ba reajustamentu rejime kareira, rejime salarial no aprezenta ba Konsellu Ministru aprova depois ne’e, ita hahú fila fali ita nia rekrutamentu, epslika Autoridade Funsaun Públika iha knár fatin KFP, iha segunda-feira, (02/06).

Nune’e teste bolsa kandidatus ba manorin nain sira ne’ebé abertura iha loron 19 maiu no sei remata iha 17 juñu 2025, iha salaun Aikurus-Binani, KFP ofisialmente loke husi Prezidente Repúblika hamutuk ho Ministériu Edukasaun no Komisaun Funsaun Públika, tuir observasaun Prezidente Komisaun Funsaun Públika, Agostinho Letêncio de Deus hateten, teste ne’ebé partisipa ona to’o daudaun 5 mil, no husi 5 mil ne’e tuir dadus 291 mak pasa ona.

Prezidente KFP hateten, dala barak oportunidade ba servisu iha, maibé ladún iha preparasaun, ita ne’ebé atu mai tuir teste dala ruma ladún iha preparasaun, ladún lee. Tanba Ministériu Edukasaun no Komisaun Funsaun Públika iha ona matrix ne’ebé mak fahe ba hot-hotu dala barak la lee, no ba sira ne’ebé mak passa ami halo entrevista ba sira katak, sira lee kona-ba matrix sai, no dala barak ita haree ema ladún prepara didiak molok ba teste.

Nia ekoraja no husu ba kandidatus sira atu lee materia sira ne’ebé mak disponivel, liliu matéria liga ba funsaun públika, liliu sira nia área espesializada hanesan ekonomia karik sira tenki lee matéria ekonomia, istória, geografia, português no mós metodolojia hanorin, hanesan profesór karik sira tenki hatene metodolojia hanorin nian. Tuir ami nia haree barak falla tanba ladún prepara ho didiak.