Comissão da Função Pública

Funsionárius Públiku rejistadu iha baze dadus Komisaun Funsaun Públika eseptu Ajente Administrasaun Públika naun rezistadu hamutuk 33,906, ba Funsionárius ne’ebé ho idade 60 kuaze rihun haat.

Prezidente Komisaun Funsaun Públika Agostinho Letêncio de Deus presta informasaun ba RTTL-E.P iha Gabinete Prezidente Komisaun Funsaun Públika, kinta-feira ne’e (25/01/2024).

Kestiona kona-ba planu Komisaun Funsaun Públika relasiona ho profesores sira ne’ebé idade mais avansadu hodi reforma prezidente hateten, até prezente data Órgaun ezekutivu seidauk iha Lei ga Dekretu Lei hodi ko’alia kona-ba reforma obrigatória, maibé ita só apenas iha Lei reforma baze ba rekerimentu, signifika katak, wainhira tama ona ba idade 60 CFP iha dever moral hodi fó informasaun ba sira ne’ebé hakarak reforma, hato’o karta rekerimentu.

Tuir Prezidente KFP katak, IV Mandatu iha ona hanoin no diskuti ona atu nune’e bele kria esbosu Lei no iha tempu badak bele aprezenta ba Konsellu Ministru no kontinua ba Parlamentu Nasionál. Nune’e bele diskute, iha posibilidade fó reforma ba funsionáriu ho idade avansadu, hodi bele fó oportunidade ba idade produtivu hodi halo servisu iha Administrasaun Públika.

Dirijente Administrasaun Públika n e’e promete katak, iha tempu badak sei kontinua diskute to’o hetan aprovasaun no to’o nia implementasaun.

Hafoin ne’e kontinua iha espliklasaun klean husi Diretor Nasionál Sistema Informátiku Jestaun Iha Funsaun Públika ba dadus sira ne’ebé diresaun ne’e servisu hodi atualiza dadus funsionáriu sira ho dashboard real time ne’ebé mak publika ona link iha website CFP nian https://www.cfp.gov.tl/  iha koluna sistemas https://bipublic.cfp.gov.tl/public/dashboard no husu ba media sira atu foti informasaun relasiona ho dadus bele tama iha website refere hodi asesu dadus.