Comissão da Função Pública

Komisaun Funsaun Públika reuniaun ho ekipa painel juri sira husi liñas ministeriais hodi rona preparasaun sira hodi introduz ba juri sira kona-ba dekretu lei 46/2024 ba ninia preparasaun sira hodi hahú simu dokumentus ba iha avaliasaun sira.

Komisáriu Komisaun Funsaun Públika ba portefóliu forsa traballu, José Telo Soares Cristovão introduz katak, pessoal ne’ebé KFP identifika tanba haree ba kapasidade no durante ne’e apoia iha promosaun hodi mai hola parte iha KFP ba iha prosesu sira.

“Ita boot sira nia servisu ne’ebé iha apoia KFP hodi transmite hikas informasaun sira ne’e ba funsionáriu sira wainhira partisipa iha promosaun antiguidade, ita boot sira sai hanesan duta “embaixador” ba liñas ministeriais sira hodi bele apoia iha prosesu ne’e. Promosaun por antiguidade no promosaun méritu iha diferensia, ba ema ne’ebé tama iha ekipa ne’e ho grau A, ne’ebé la benefisia ona buat ruma, ”

introduz Komisariu KFP ba portefóliu forsa traballu, José Telo Soares Cristovão.

Komisáriu esplika, IV mandatu mai ho planu prioridade 18 ida mak promosaun por antiguidade, reforma nian ba idade limite. Tanba ne’e promosaun por antiguidade ne’e presiza nafatin reprezentasaun husi liñas ministeriais sira hotu, hodi apoia prosesu ne’e. KFP mós iha ona manual ida atu introduz ba ministeriu sira hotu hodi partilla ba ministeriais sira hotu, no ita boot sira nia servisu mai iha ne’e avalia dokumentu sira baze ba dekretu lei númeru 46/2025, no Komisaun hein homologa no aprova ba lista final.

Iha sesaun ne’e hetan mós aprezentasaun husi manual no kritérius ba promosaun por antiguidade ba membru painel juri sira husi ekipa Diresaun Nasional Rekrutamentu no Dezenvolvimentu Kareira iha Funsaun Públika.

Reuniaun ne’e hala’o iha sesta-feira, 28/03/2025, iha salaun Aikurus Binani, KFP, Matadouro, Dili.