Comissão da Função Pública

Sexta-feira loron 30/06/2023, Prezidente Komisaun Funsaun Públika-KFP Faustino Cardoso Gomes akompaña husi Sekretária Ezekutiva KFP partisipa iha Semináriu Rejionál ba Komemorasaun Loron Nasional ba Funsaun Públika ba dala-9 ho tema ‘’Influénsia Rede Sosiál ba Dezempeñu Servidor Públiku’’ iha Munisípiu Baucau.

Presidente KFP Faustino Cardoso Gomes esplika katak, kada Tinan iha loron 15 fulan jullu, sempre komemora loron nasional funsaun públika ninia ezistensia, ne’ebé hahu iha tinan 2015 ho baze ba rezolusaun governu hodi aprova destaka loron 15 jullu núdar loron nasional funsaun públika. Papél funsionárius públikus hanesan operador  mákina estadu hodi servi rai no povu Timor Leste hanesan realizasaun mehi éroi sira nia luta.

Semináriu nivel Rejionál ba Komemorasaun Loron Nasional ba Funsaun Públika ne’e loke ofisialmente husi S.E. Ministru Assuntu Parlamentares no Komunikasaun Soasial, Francisco Martins da Costa Pereira Jerónimo. Iha abertura ne’e, Ministru MAPCOMS hateten, funsionáriu públiku núdar servidor estadu la’os servidor partidu polítiku, media social iha influénsia pozitivu no negativu hanesan funsionáriu públiku la’os la gosta diretur ou ministru ruma  tau estatus iha  media social hodi fahe informasaun ba malu, maibe labele utiliza sala media social, tamba hanesan funsionáriu públiku la’os funsionáriu estatus.

Semináriu Rejionál ba Komemorasaun Loron Nasional ba Funsaun Públika ba dala-9 ne’e organiza husi Ministériu Assuntus Parlamentares no Komunikasaun Sosial-MAPKOMS ho partisipantes kompostu husi Munisípiu Manatuto, Munisípiu Baucau, Munisípiu Lautém no Munisípiu Viqueque. Hakotu serimnariu ne’e ho fahe sertifikadu ba partisipantes sira.