Comissão da Função Pública

Komisaun Funsaun Públika sei la haree se mak manán no se mak lakon iha prosesu teste  bolsa kandidatu rejime dosentes maibé, Komisaun Funsaun Públika nia papél maka atu  asegura prosesu teste ne’e tenki la’o tuir regra, leis, no transparansia. Relasiona ho vaga ne’ebé Ministériu Edukasaun prepara hamutuk  2.400 no husi númeru ne’e ema ne’ebé priense rekezitus bazeia ba dadus  semana  kotuk foin nain 500 hanesan ne’e. Signifika seidauk to’o, tanba ne’e Komisaun Funsaun Públika nafatin koopera  atu teste ba prosesu méritu  ba profesores sira la’o ho di’ak, esplika Komisáriu Komisaun Funsaun Públika ba asuntu Forsa Traballu, José Telo Soares Cristóvão.

Relasiona bolsa kandidatu ba profesores ne’ebé la’o ona fulan ida maibé profesores maioria hetan valor 59 mai kraik, sei la to’o tarjetu ne’ebé Ministériu Edukasaun termina tuir vaga 2,400, deklarasaun ne’e Komisáriu KFP hato’o ba jornalista Rádiu Televizaun Maubere iha nia knár fatin.

Liga ba preokupasaun profesores sira kona-ba materia espesífiku oituan de’it maibé, materia jeral mak barak liu hodi difikulta profesores sira hetan valor di’ak. Materia ne’e kabe ba kompeténsia Ministériu Edukasaun, Komisaun Funsaun Públika apoiu de’it iha sistema digitalizasaun ba teste elektrónika. Maibé hakarak hateten katak, materia ida ne’ebé salva profesores sira nia valor boot mak materia jeral, no materia espesífiku ne’ebé hahú teste to’o agora, se aposta  didiak iha ema nain 500 mós la tama, dehan Komisáriu.

Tuir dadus, rezultadu provizoria ba teste bolsa kandidatus ba professores wainhira la prinense ne’e kompeténsia Ministériu Edukasaun no KFP nia parte prontu koopera nafatin hodi fasilita tuir regras definidus, dehan Komisáriu José Telo Soares Cristóvão, iha KFP iha segunda feira, 15 abríl 2024.

Teste ba bolsa kandidadus ne’ebé abertura ofisial husi Primiru Ministru no Prezidente PN iha 15 marsu no sei termina iha loron aban, tersa feira, 16 abríl 2024.