Pessoal nain neen simu posse no termu entega kargu diresaun no xefias husi Institutu Nasionál Farmasia no Produtus Medikus (INFPM), Institutu Nasionál Saúde Públiku Timor-Leste (INSP-TL), Hospital Nasionál Guido Valadares (HNGV), Servisu Nasional Abulansia Emerjensia Mediku (SNAEM) ne’ebé testamuña husi Ministra Sáude – Komisária Komisaun Funsaun Públika, hala’o iha Kinta –feira, 10-04-2025, iha salaun enkontru Palácio das Cinzas,Caicoli, Dili.
Komisaria Komisaun Funsaun Públika ba Portefóliu Dezenvolvimentu Kareira Espesial, Anita Tavares Ribeiro de Jesus hateten, nomeasaun ne’e nu’udar funsionárius públikus atu halo prestasaun servisu ida ne’e, hodi prense kargus ne’ebé instituisaun revé. Kargu la’ós kareira, maibé kargu ne’e asume atu halo presta servisu ida ho di’ak, hodi kontinua servisu ne’ebé atu kontinua serví.
Komisária KFP husu konfiansa ne’ebé hetan atu hala’o knár ida ho responsabilidade, liliu iha Ministériu Sáude hodi atinji metas ne’ebé ministériu rasik iha.
Iha tempu hanesan Ministra Saúde, Élia Amaral hato’o mós mensajen ba emposadu sira iha termu entrega kargus diresaun xefias ba INFPM, INSP-TL, HNGV, SNAEM oinsá buka atu atinji indikadores no mós programa ne’ebémak Ministériu Saúde trasa tiha ona, buka atu asegura sasán sira ne’ebé mak parte ida husi Estadu nian, atu nune’e bele atende povu iha nasaun ida integru no profisional.
Emposadus ne’ebé simu knár ne’e hamutuk nain 6 kompostu husi feto 2 no mane nain 4.
