Komisaun Funsaun Públika ne’ebé lidera husi Prezidente KFP, Agostinho Letêncio de Deus hamutuk ho Komisarius, Sekretária Ezekutiva no ekipa audiensia ho Prezidente Repúblika José Ramos Horta ba dahuluk hodi relata servisu Funsaun Públika.
Iha okaziaun ne’e Prezidente KFP aprezenta kona-ba planu reforma administrasaun públika ein jeral ho prioridades komponentes 18 ne’ebé iha ona progresu balun.
Hafoin ne’e KFP rona mós orientasaun sira husi Prezidente Repúblika José Ramos Horta hodi kontinua hadia no profesionaliza Funsaun Públika no iha tempu hanesan Prezidente KFP entrega livru planu Reforma Jestaun Rekursu Umanus.
Audiensia ne’e hala’o iha Tersa-feira, (13/05/2025), iha Palásiu Prezidensiál Bairo Pite, Dili.
