Kuarta Feira, 1 jullu 2026 Komandu Polísia Nasional Timor-Leste Reprezenta husi Komandante Jose Soares ho nia ekipa hala’o enkontru ho Prezidente KFP Agostinho Letêncio de Deus no Komisáriu portfóliu Planeamentu Forsa Traballu José Telo Soares Cristóvão hodi halo diskusaun kona-ba oinsa atu implementasaun sistema teste eskrita eletrónika ba rekrutadus membru PNTL foun sira.
Objetivu husi diskusaun ne’e, atu buka meiu no solusaun ba prosesu rekrutamentu membru PNTL foun iha Territóriu Timor Leste, liu husi teste eskrita eletrónika iha KFP, atu nune’e, bele iha transparénsia no justu ba rekrutadus sira hotu.
Hafoin termina reuniaun, Komisáriu José Telo Soares Cristóvão no reprezentante Komandante PNTL ho nia ekipa halo vizita ba fatin instalasaun komputadores teste nian iha edifisiu foun e-recruitment.