Komisáriu Komisaun Funsaun Públika responsavel ba portefóliu Planeamentu Forsa Traballu, José Telo Soares Cristovão no Sekretária Ezekutiva, Maria da Costa Oliveira ofisialmente halo abertura ba formasaun jestaun Administrasaun Públika ba funsionárius Sekretariadu Komisaun Funsaun Públika iha salaun Juvenil, Taibesi iha Segunda-feira, (17/03/2025).
Iha abertura formasaun ne’e Komisáriu hateten, ba kapasitasaun sira ne’e pertinente kritéria ba ita boot sira pontusaun ba promosaun, iha lei antiguidade ko’alia kona-ba sertifikadu sira ne’e koñesimentu ne’e mai husi esperensia mak liu imi sira ne’e.
Komisáriu husu ba formandu sira atu aproveita didiak durante loron lima hodi aprende buat ruma, tanba formasaun ne’e baze ba nesesidade ne’ebé mai husi avaliasaun dezempeñu funsionáriu sira nian ne’ebé mak agora daudaun tuir formasaun, no formasaun ne’e hanesan direitu funsionáriu ba 40 oras kada tinan.
Komisáriu José Telo Soares Cristovão agradese no parabeniza xefe rekursu umanus ninia esforsu hodi realiza formasaun ne’e hodi bele implementa iha servisu fatin, formasaun ne’e hanesan nesesidade ida ne’ebé husi aspetu hotu hodi aproveita oportunidade di’ak ida ne’e hodi aprende netik buat ruma. No formasaun ne’e sei iha benefisiu ba imi hodi tuir promosaun minimal iha sertifikadu sura pontuasaun ba promosaun.
Nune’e Sekretária Ezekutiva Maria da Costa Oliveira dehan, formasaun interna ne’e baze ba análize ne’ebé mak husi ofisial rekursu umanu sira identifika husi avaliasaun dezempeñu ne’ebé tinan-tinan sura iha promosaun nian, tanba buat barak mai husi materia husi aprovizionamentu, finansas, parte relatoriu ninia entaun haree ida ne’e importante.
Sekretária Ezekutiva esplika, informasaun reforma sientífika ida ne’e hanesan informasaun, tanba esperensia lubun boot ida baze ba boas práticas ne’ebé mak lor-loron ita hala’o, entaun SKFP ho hanoin ida katak, finansas nian materia ne’ebé ligadu ba aprovizionamentu no materia sira seluk inklui materia kona-ba Timor – Leste nian adere ba ASEAN.
Materia ba loron dahuluk ne’e xefe departamentu aprovizionamentu no kontratu, Crisotia Quiolia de Jesus Barros Ferreira no xefe departamentu planu internu no finansas, Ubalda Gisela Garcia mak sei partilla informasaun ligadu ba regras no prosedimentu finansas no aprovizionamentu nian no ba loron daruak sei partilla kona-ba jestaun patrimoniu no infromasaun sira kona-ba papel ASEAN iha Administrasaun Públika.
Formasaun ne’e organiza husi rekursu umanus SKFP no partisipa iha formasaun jestaun Administrasaun Públika ba funsionárius SKFP hamutuk nain 19 kompostu husi feto nain 8 mane nain 11.
