Prezidente Komisaun Funsaun Públika, Agostinho Letêncio de Deus partisipa iha sorumutu estraordinariu Konsellu Ministrus nia iha loron 03 Fulan Abril tinan 2025, iha salaun Ministériu Finansas Aitarak Laran, Dili.
Iha reuniaun extraordinaria ne’e hodi analiza aprezentasaun kona-ba konkluzaun preliminar auditorias nian ne’ebé hala’o husi empreza Internasional ERNST&YOUNG (E&Y), ba entidade Estatal 45n e’ebe sei sai alvu ba analize.
ERNST&YOUNG (E&Y) hanesan empreza ida husi empreza haat kona-ba auditoria no konsultoria global ne’ebé boot liu harii iha tinan 1989, lokaliza iha Londres, Reinu Unidu koñesidu ho esprensia hodi hala’o auditoria husi entidade publika sira.
Durante sorumutu ne’e aprezenta konklusaun prisipal no rekomendasaun preliminar housi auditorias ne’ebé hala’o hela iha entidade oi-oin Administrasaun direta no indireta Estadu nian. Alende ne’e identifika dezafiu prinsipal sira iha áreas kompromisu ba transparensia governasaun di’ak no melloria kontinua ba efisensia iha jestaun finansas públikas.
Prosesu auditoria ida ne’e refleta kompromisus ne’ebé asume husi Primeiru-Ministru, Kay Rala Xanana Gusmão, iha ninia diskursu simu posse nian iha ne’ebé nia define hanesan prioridade ida husi ninia governu hodi halo auditoria iha Instituisaun Públika oi-oin ho objetivu atu promove responsabilisasaun no rigor ne’ebé boot liu iha Administrasaun Estadu.
