Centro Cultural Portugal iha Dili, ne’ebé dedika ba Prezidente Jorge Sampaio, inagura husi Primeiro Ministro da República Portuguesa António Costa, akompaña husi Prezidente da Repúblika Timor-Leste José Ramos Horta, iha tersa-feira kalan, 25 de Jullu de 2023.
Embaixadora Portugal iha Dili, Manuela Bairos iha nia Diskursu hateten, enkontru ida ne’e sei koalia iha sirkunstânsias felizes rua, ida maka vizita Primeiro Ministro Portugal António Costa konaba kriasaun dinámika foun ka manutensaun dinámika amizade no koopersaun iha Timor-Leste durante tinan rua nulu ona, nune’e mos ho vizita Prezidente no Primeiro Ministro Portugal, maske geográfikamente Portugal ne’e dook.
Embaixadora Manuela hato’o nia agradesimentu profunda ba sentenas de Ajentes de Kooperasaun Portugal, hanesan Embaixadores de Portugal orgullu iha rai doben ida ne’e, nune’e mos ho razaun espesial ida maka fó omenajen ba ema português ida esesional hanesan Jorge Sampaio, ne’ebé ho nia papel relevante no importante ba kauza Timor nian no apoia Timor-Leste iha momentu ne’ebá Eis-Prezidente Jorge Sampaio nia sentimentu ba kauza Timor ne’e hanesan patamar ida ka importântísimu iha anível Internasionalmente.
Hafoin de Inaugurassaun Centro Cultural Portugal, Primeiro Ministro António Costa fó hanoin hikas pasajem sira ne’ebé apoia kauza Timor-Leste hanesan Ró lusitánia to’o iha mar Timor, ne’e inisiativa husi Primeiru Presidente da Repúblika Democráticamente eleitu Jeneral Yan, hanoin kombate feitu durante Governu de Sr. Cavaco Silva, luta husi Ministru Negósius Estranjeiru Durão Barrozo, nune’e mos hanoin konaba durante mandatu Presidente Repúblika Jorge Sampaio no Primeiro Ministru António Ximenes, inklui mos empeñu boot husi Bill Clinton ho esforsu final to’o Indonésia fó opsaun no asegura auto-determinasaun ba Timor-Leste nia Independênsia, ho perkursu ne’e hotu maka asegura metin amizade no relevante ba Timor ho Portugal, nune’e mos Komunidade Internasional hotu.
Ikus liu Presidente da Repúblika Timor-Leste José Ramos Horta hato’o ninia boas vindas ba primeiro Ministro de Portugal, Ministro Negósius Estranjeirus ho nia Komitiva mai Timor-Leste iha serimónia re-inagura Centro Cultural Portugal, hodi fó omenajem ba Ei-Presidente Jorge Sampaio.
Presidente Ramos Horta konsidera Eis-Prezidente Jorge Sampaio laos deit apoia profunda ba kauza Timor-Leste nian deit, maibe iha nia papel hanesan Advogadu boot ba kauza boot iha Portugal no iha Mundu, no nia sai Presidente eleitu ba diálogu de sivilizasoens ho estatutu moral no intelektual, no primeira ves mai Timor Leste, maske Timor laiha omenajen ba nia hanesan medallas no kondekorasoens, maibe Prezidente Xanana Gusmão entrega deit pasaporte Timor nian ba Presidente Jorge Sampaio hanesan Substitutu de Ordem de Timor Leste grande Kolar iha tempo ne’eba.
Partisipa iha Serimónia Centro Cultural Primeiru Ministru Portugal, Ministru Negóesiu estrangeiru Portugal, Ministra Solidariedade Social Portugal ho nia delegasaun, Ministru Negósius Estrangeiru de Timor-Leste representa Primeiru Ministru ho nia Membru Governu, Eis Primeiru ministru Taur Matan Ruak ho nia Eis Membru do Governu, Deputadus no Eis deputadus, Presidente Komisaun da Funsaun Públika, Líderes Instituisoens do Estadu Emprezárius Portugueses Luso-Timorense e Amigos Timorenses.