Delegasaun pontu fokais husi liña Ministériu sira no instituisaun Estadu 10 ba pilar Socio-cultur ASEAN Community partisipa internship programe iha Jakarta-Pusat, Indonézia durante fulan tolu (12 Juñu no termina iha 12 Setembru 2023).
Objetivu programa formasaun refere atu ofisiais delegasaun sira bele hetan esperiénsia oinsá tuir enkontru ASEAN, halo relatóriu hodi aprende organiza enkontru sira kona-bá ASEAN no mós preparasaun Timor-Leste nian sai full membru ba ASEAN no hatene mós substánsia sira iha kada instituisaun sira bainhira sai membru permanente ASEAN.
Formasaun intensivu ne’e hetan konvite husi Sekretariadu ASEAN iha Jakarta liu husi Ministériu Negósiu Estranjéiru no Koperasaun Timor-Leste kona-bá asuntu Sosiál no Kultura hodi fó oportunidade ba kada instituisaun sira ne’ebé propoin rasik.
Iha loron dahuluk (13/06/2023) ekipa delegasaun hasoru malu ho Diretor Jerál ba ASEAN nian iha Kementrian Luar Negeri Indonézia nian, Diretora Asuntu Sosiu-kultural no briefing husi ekipa servisu KEMENLU Indonézia. Delegasaun ne’e mai husi KFP, Sekretariu Estadu Arte no Kultura, Sekretariu Estadu Ambiente, SEFOPE, MSSI, SEJD, Ministériu Saúde, Sekretáriu Estadu Igualdade no Inkluzaun, Autoridade Proteção Civil (APC)