Diretor Eskola Cribas La Hetan Subsidiu Xefia

Diretor Eskola Ensinu Báziku Sentral terseiru Síklu Postu Administrativu Laclo Munisípio Manatuto Eugénio Felipe da C. Oliveira sente triste tanba, labele simu osan kargu Diretor nian, tanba estudantes la too tarjetu 150 kada eskola.

Nia sente triste tanba nia adjuntu manan liu fali Diretor tanba ekiparadu ho Xefe Departamentu ho rajaun ne’e nia hakarak atu rejigna an husi Diretor, situasaun ne’e akontese mos ba  Diretores eskola hot-hotu, informasaun ne’e Diretor eskola hatoo ba ekipa monitorizasaun KFP nian iha kinta feira, (13/10/2022).

Enkuantu problema konaba fasilidade eskolares, fasilidade merenda eskolar, Remuneratóriu, promosaun, Saneamentu bee la iha, falta refetóriu, problema profesores kontratadus, Parsiais, voluntárius no profesores balun liu ona 60 anus de idade.

Iha problema seluk ne’ebe akontese iha Eskola EBF Kondar husi Eskola EBC Laclo maka wainhira DL Reforma Obrigatória ne’e aprova husi PN no Prezidente da RDTL promulga maka eskola refere sei taka totalmente tanba profesores nain 6 sei reforma dala ida.

Nune’e mos iha eskola Sekundária Jeral Kayrala Nelson Fazardo Coriano Rodrigues Pereira husu ba funsaun Públika atu rezolve problemas permanente tanb sira ne’be hanorin iha eskola ne’e mesak voluntarios no parsiais.

Enkuantu ekipa seluk ba halao monitorizasaun iha eskola EBF Mantane Laclo, EBC Cribas, EBE Kanua Cribas, EBF Rembor, Eskola Téknika Vokasional Manatuto  ho problema ne’ebé hanesan.