Ekipa entegradu Kompostu husi Komisaun Funsaun Publika-KFP, Comicão Anti Corupcão-CAC, Provedoria Direitos Humanos no Justisa-PDHJ, Patriomonio Estadu, Ministeriu Solidariedade Sosial-MSS, Sekretaria Estadu Igualdade no Inkluzaun-SEII, no Inspesaun Jeral Estadu-IJE halao disseminasaun hodi partilha kuadru legal no prosedementu funsaun publika nian durante loron rua 25-26/07/2023 ba Funsiunariu sira iha Postu Administrativu Nain Feto munisipiu Dili.
Iha Abertura ba loron dahuluk Administradora Postu Administivo Na’in Feto Herminia Martins hateten, Nudar Funsionariu disseminasaun ne’e peroridade no importante, tamba ne’e funsiunariu sira hotu-hotu hakmatek hodi akompaña ho diak, orador no oradora sira nia aprezentasaun ba materia sira ne’e, ligasaun ho funsionariu sira nia Dever no Direto sira.
Komisaria Maria de Jesus Sarmentu iha nia intervensaun hateten, ekipa Disseminasaun ne’e integradu, tamba iha problemas oin oin ne’ebe funsionariu sira hasoru, nune’e atividade Disseminasaun ne’e lori responsavel sira husi linha Ministerial sira atu bele responde, atu bele hatan ba duvidas ka kestoens sira ne’ebe mak Funsinariu sira aprezenta.
Komisaria ne’e hatutan tan katak, Disseminasaun ne’e hanesan formasaun ne’ebe fo hanoin ba Funsiunariu sira hodi bele haklean koinesementu, hatene wituan husi buat barak ne’ebe iha, tamba ne’e opurtunidade sira hanesan ne’e diak tebes ba Funsiunariu sira.
Actividade ne’e loke diretamente husi Administradora Postu Administrativu Nain Feto Munisipiu Dili Herminia Martins, partisipantes sira mai husi funsionariu, ajentes Administrasaun Publika no autoridade local husi suku 6, hamutuk ema nain 48 kompostu husi feto 25 no mane 23. Materia Aprezentasaun ne’ebe mak apresenta husi ekipa integradu sira husi komisaun funsaun publika mak hanesan, Dever no direitu funsionario publika no ajente administrasaun publika nian, Prosesu Disiplinar, Lejislasaun propriu konaba ninia ezistensia husi Inspesaun jeral estadu, papel provedor direitus humanus, Lae ba Asediu sexual, pensaun no reforma, kontributivu sigurnca social, avaliasaun desempenu no lisensa sein vensimentu.