Ekipa bola basket husi Komisaun Funsaun Públika-KFP joga final kontra ekipa basket husi Ministerio Agrikultura no Peskas –MAP- KFP manan ho rezultado 105-57. Husi rezultado joga final ne’e ekipa basket KFP sai premeiru lugar iha kompetisaun joga basket iha ambitu komemorasaun Loron Nasional Funsaun Públika ba dala–IX tinan 2023.
Kompetisaun Joga final entre ekipa basket husi Komisaun Funsaun Públika joga kontra ekipa MAP asiste direitamente husi Komisaria Maria de Jesus Sarmento, Carmeneza do santos Monteiro, Komisario Fausto Freitas da silva–Liurai Taçi akomapana mos husi Secretaria Executiva hamutuk ho funsionariu sira husi Komisaun Funsaun Públika inklui funsionariu husi Ministerio Agrikultura no Peskas. Aktividade jogu final hala’o iha kampu basket Ministerio Juventude Desportu no kultura Lecidere Dili.