Segunda-Feira loron 4 fulan setembru tinan 2023, Komisaria Komisaun Funsaun Pulika-KFP Maria de Jesus Sarmento hamutuk ho Sekretaria Ezekutiva KFP Maria da Costa Oliveira ho nia Ekipa, hala’o enkontu ho Ekipa husi Presidensia da Republika hodi diskute kona-ba Diagnostika estrutura organisazaun no Rekursu Humanu Presidensia da Republika nian iha Palasiu Aitarak Laran Díli.
Objetivu husi enkontru tekniku ne’e atu hodi forma ekipa, halo preparasaun, hodi hare’e ba termus referensia tuir idak-idak nia área hodi hatur iha nia fatin lolos, ligadu ba estrutura no Rekursu Humanu, no enkontru ne’e rasik hanesan kontinuasaun husi enkontru ne’ebé hala’o ona ho Komisaun Funsaun Públika, hodi asina ona akordu kooperasaun ida, no ohin enkontru traballu ba dahuluk nian, hodi hahú halo Diagnostika, deskute termu dereferensia no fahe ekipa servisu.
Nune’e mós Komisaria Komisaun Funsaun Pulika Maria de Jesus Sarmento iha nia intervensaun hateten katak, ekipa servisu hetan ona fiar atu bele hala’o nia kna’ar liu husi despaxu servisu, atu hodi halo diagnostiku ba iha estrutura organisasaun nian, Rekursu Humanu presidensia da Republika nian, ho ida ne’e ekipa iha ona nomeasaun atu halo servisu, Komisaun Funsaun Publika entende kona-ba estrutura Presidensia da Republika nian, maibé internalmente tenke iha sensibilidade ba servisu sira ne’ebé iha, no Komisaun mós presiza rona husi parte Presidensia da Republika nian, hanesan uma na’in iha parte Rekursu Humanu nian, Komisaun sei fó apoiu tomak.