Prezensa EDTL, Autoridade Nasional Enerjia Elétrika Institutu Públiku, Empreza Públika ninia Autoriedade Nasional Água no Saneamentu, Funsionárius hamutuk 500 resin goza lisensa sem vensimentu tanba ho razaun servisu iha IP ho EP.
Prezidente Komisaun Funsaun Públika, Faustino Cardoso Gomes subliña kestaun hirak ne’e durante enkontru ho Ministru Obras Públikas, Abel Pires iha Gabinete Prezidente tersa-feira (12/04) loraik ne’e.
Prezidente akresenta kestaun ne’e, tanba funsionárius 500 ne’e reforsa fali iha IP ho EP, tanba ne’e rekomenda ba Ministru hodi haree no tau atensaun no oinsá akalma situasaun ne’ebé akontese iha IP ho EP nia agora dadaun.
Faustino rekomenda ba Ministru atu oinsá bele aproveita tékniku ba sira, tan ba sira iha ona esperiénsia barak.
Além de ne’e subliña mos oinsá fó asesibilidade ba Ema Ho Defisiênsia iha Timor Leste, tanba durante ne’e seidauk kria ba EHD, wainhira hakarak halo audiênsia ruma ho parte kompetente.
Durante enkontru Ministru Obras Públikas, Abel Pires hateten iha nia prezensa ne’e ho intensaun atu rona rekomendasaun sira husi Prezidente Komisaun Funsaun públika hodi hala’o maske neineik, maibé hanesan jestor foun hakarak halo intensivu adekuadu ba mákina Estadu ida ne’e book an lalais tanba povu mós nesesita kompara ho tinan uluk ne’ebé nia ezekusaun lentu.
Enkontru ne’e marka prezensa mós husi Komisáriu Fausto Freitas da Silva no Komisária Maria de Jesus Sarmento.
