Enkontru KFP ho MOP Kona-ba Proposta Kargu Diresaun no Xefia

Sexta-Feira, 08 Fevereiru 2019 –  Presidente Komisaun Funsaun Públika akompaña Komisaria Domingas Fernandes, assunto reforma Pencões, Komisariu António Freitas,  assuntu Disiplinar, no Komisariu José Telo Soares Cristovão, assuntu Formasaun Forsa Traballu halo enkontru ho ministru Obras Públikas, Salvador Pires iha salaun ekontru Obras Publikas, Caicoli Dili.

Iha abertura diskusaun, Presidente Komisaun Funsaun Publika Faustino Cardoso, apresenta agenda importante maka hanesan, Proposta Subtituisaun ba Cargo diresaun no xefia iha ministerio  Obras Publica, kestaun tranformasaun EDTL ba Empreza Públika, rejime promosaun nebe mak Komisaun prepara hela, funsionariu husi obras publikas nian iha nivel munisipius, ajustamentu pessoal devidu husi transformasaun nebe mak akontese husi Obras Publikas no Transponte no Komunikasaun nian, atu hatene nia prosesu lao too iha nebe atu bele ajunta ba iha baze de dadus.

Enkontru KFP ho Ministru Obras Públikas
Crédito: Mídia CFP

Iha inisiu Presidente KFP, Faustino Cardoso esplika kona-ba prosedimentu no regras ne’ebé regula iha lejislasaun jeral Funsaun Públika Timor – Leste nian kona-ba Direitus  no devers funsionariu sira nian inklui  promosaun ba kargu diresaun no xefia sira bazeia ba méritu no esperensia servisu.

Iha oportunidade ne’e  komisariu nain tolu, ida-idak rekomenda katak ministru Obras Públikas iha kompetensia atu foti desizaun kona-ba pesoal ne’ebé priense ba vaga sira ne’ebé apresenta iha proposta, maibe presija tetu atu labele viola lei ne’ebé vigora.

Ministru Obras Públikas Salvador Pires iha oportunidade klarifika bazeia proposta ba subtituisaun ba kargu diresaun no xefia iha ministeriu refere, tamba hahú nia mandatu observa katak, kargu diresaun no xefia anterior la dun kolobora, tamba ne’e presija halo subtituisaun atu bele implementa planu programa iha futuru.

Iha enkontru ne’e hamosu ideias husi Prezidente, Komisariu sira no Ministru Obras Publika konkorda atu iha servisu hamutuk hodi fo susesu ba assuntu importante haat ne’ebé mak diskuti iha enkontru refere.