Kuarta-feira 21/06/2023 Sekretária Ezekutiva Komisaun Funsaun Públika, Maria da Costa Oliveira akompaña husi Diretur Nasional Administrasaun no Finansas, Belizário Rafael Magno Pereira hala’o reuniaun ho Reprezentante ILO Senhora Margaret Araújo hodi ko’alia konaba kontinuasaun servisu entre Komisaun Funsaun Públika-KFP ho International Lavour Organisation-ILO.
Iha enkontru ne’e Sekretária Ezekutiva Komisaun Funsaun Públika, Maria da Costa Oliveira, esplika objetivu reuniaun ne’e atu hodi koalia kona-ba kontinuasaun planu traballu entre Komisaun Funsaun Públika ho ILO, inklui oinsa atualiza ba sistema Chatbot ROSA Komisaun Funsaun Públika nian.
Chatbot ROSA nudar liña ida hodi fasilita komunidade sira atu halo keixa ligadu ho violasaun ba feto no labarik sira.