Kinta Feira Loron 31 fulan agustu tinan 2023, Sekretariu Estadu Komunikasaun Sosial-SEKOMS Expedito Dias Ximenes no espesialista Jestaun Rekursus Humanus Association of Southeast Asian Nations-ASEAN nian, Bob Aubrey halo visita ofisial iha Komisaun Funsaun Publika hodi halo enkontru ho Presidente, Komisario, Komisaria, Sekretaria Ezekutiva, Inspetora no Diretores Komisaun Funsaun Publika-KFP hodi aprezenta espesialista Bob Aubry ninia esperiensia iha sala enkontru KFP nian.
Bob Aubry espesialista ida ne’ebe hetan esperiensia barak iha Franca, China no Singapura, hanesan mos Dosente no Eskritor, Inovador, organizador no desenvolvedor Setor Privadu, halo estudu no estrategia ba rekursus Humannus ASEAN nian.
Rekursus Humanus maka sai materia Diskusaun entre Komisaun Funsaun Publika ho espesialista durante enkontru, no Presidente Komisaun Funsaun Publika Faustino Cardoso Gomes Apresia no kontente simu senhor Bob Aubrey ho Secretario Estado Komunisaun Sosial iha Komisaun Funsaun Publika.
Visita Bob Aubry prosesu ida mai husi komunikasaun antes, wainhira hasoru malu iha Brunei Darusalam hodi partisipa iha enkontru ASEAN nian konaba birokrasia, no iha biban ne’e simu Bob Aubrey atu partilia ho nia politika ba oin konaba papel Funsaun Publika ninian iha ambitu integrasaun Timor Leste ba ASEAN, ne’ebe persiza atu iha treinamentu, kapasitasaun ba rekusus humanus ne’ebe apropriadu hodi efetiva nia integrasaun iha ASEAN.
Enkontru ne’e Bob Aubrey fo hanoin katak, Kestaun ligadu ho Timor Leste nia integrasaun ba ASEAN ne’e, presiza hatene nia benefisio, no atu lao ba ne’ebe, ligadu ho Desenvolvimentu Timor Leste nian, atu pais ne’e la monu ba buat polusaun ne’ebe as, livre husi Plastiku, no ajuda politika Desenvolvimentu iha area ekonomia, hasa’e igualidade hodi hatur Timor Leste iha posisaun ida melhor, kompara ho pais sira seluk.