Prezidente Komisaun Funsaun Públika Faustino Cardoso Gomes hateten iha selebrasaun loron Nasional Funsaun Publika iha Centro Convenções Dili (CCD) segunda-feira ne’e aprezenta katak, forsa de traballu iha sector públiku ultrapasa ona ba ema nain rihun 54 resin, hakfahek ba Funsionárius Públikus permanentes ho total nain rihun 27 atus 7, Ajentes Administrasaun Públika kontratadus rihun 8 atus lima, kontratadus Kazuais rihun 10 atus hat, Asesores Nasionais atus 9 no Internasional atus ida lima nulu, Majistradus no Defensores Públikus atus ida nen, membru F-FDTL rihun 2 atus hitu hat nulu resin nen no PNTL rihun hat nen nulu resin rua.
Xefi ba Administrasaun Públika ne’e hateten, ho númeru boot refere afeta no ameasa maka’as Estadu Timor-Leste, maske Timor nia orsamentu mai husi mina, maibe to’o tempu ida nia sei maran.
Situasaun ne’e KFP preokupa ho kresimentu dezordenadu Funsaun Públika ne’ebé akontese tanba falta kritérius ba kontratasaun no prosesu seletivu.
Tuir Prezidenti KFP entende katak traballador kontratadu kazuais estendidu iha tinan ba tinan sem iha limita, no konsidera katak Lejislasaun em vigor lá hatur distinsaun entre Ajentes Administrasaun Públika no kontratadus kazuais.
Relasiona ho situasaun ne’e, Orsamentu entidade Administrasaun Públika ida-idak tenke define kuantidades Funsionárius Públikus no Ajentes Kontratadus autorizadus iha tinan ida-idak manifesta liu husi aprovasaun vagas iha orsamentu Jeral Estadu liu husi livru dois husi Parlamentu ninia.
Bazeia ho diskursu prezidente KFP konaba númeru Funsionáriu Públiku, Ajente Administrasaun Públika, Kontradus nos seluk tan, Vise Ministru Asuntus Parlamentares Adérito Hugo da Costa konsidera númeru boot ne’e demaziadu no deskontroladu ne’e, fó todan boot ba Estadu liu husi ita hotu nia kontribuisaun.
Vise Ministru sente triste tebes ba kategoria Funsaun Públika ida grupu Timor Oan feto no mane ne’ebé dedika sira nia aan mais de 20 anos hetan reforma aforsada ke ema hotu nonok no la iha komentáriu.
Tuir Governante ne’e katak wainhira reforma aforsada ba 200 pesoas ema hotu nonok ou akontese ba reforma aforsada ou tratamentu lá justu ba funsionáriu ida ka rua iha kada Ministériu.
Enkuantu, Ministru Administrasaun Estatal Tomás Cabral Reprezenta Primeiru Ministru konsidera númeru boot Funsionáriu Timor laran tomak fó todan ba Estadu Timor-Leste, ho razaun ne’e maka IX Governu Konstitusional komprometidu sei reforma Komisaun Funsaun Públika atu nune’e bele atende Estadu nian iha área Governasaun.