Ministeriu Saúde liu husi Institutu Nasional Saúde Timor-Leste, realiza formasaun Polítika Saúde durante loron sanulu (10) ba jestor sira husi HNGV, SAMES, SNAEM no Ministériu Saúde rasik, iha loron tersa feira, (07/06), iha Salaun Auditoria Institutu Nasional Saúde, Comoro.
Objetivu husi formasaun ne’e atu melhora Administrasaun Públika hodi bele implementa ligasaun direta ba sira nia servisu lor-loron nian.
Iha serimonia abertura formasaun polítika ne’e, Komisáriu Planeamentu Forsa Traballu, Avaliasaun Dezempeñu Formasaun no Dezenvolvimentu, Antonio Freitas liu husi nia intervensaun, hato’o ba partisipantes sira iha Ministériu Saúde ho Hospital Nasionál Guido Valadares (HNGV) dala ruma naksalak balun ba servisu nasaun nian servi povu maibé, hasoru difikuldades mak liu husi formasaun polítika saúde (kelijakan politik), liu husi formasaun ne’e atu muda jerentes sira nia mentalidade hodi fó susesu ba servisu Estadu ne’ebé benefisia ba povu tomak iha Timor-Leste.
Relasiona ho implementasaun polítika no birokrasia atu halo armonizasaun ba Administrasaun Públika, iha instituisaun direita ka indireita Governu nian, ba jestores sira tenki armoniza tuir regras Administrasaun Públika nian.
Palestrante sira mai husi Indonézia mak hanesan Molianu Yusuf no Yuliani.
Palestrante sira husu ba partisipante sira, atu akompaña didiak iha loron sanulu nia laran ne’e hodi hetan matenek ne’ebé bele benefisia ba sira nia instituisaun sira.
Partisipantes iha formasaun ho total 25 kompostu husi feto 12 no mane 13, mai husi Instituisaun tolu hanesan HNGV, SNAEM), SAMES inklui Minesteriu Saúde.