Sesta-feira, 28-02-2025, Hafoin Konsellu Ministru aprova ona rezolusaun ba fixasaun vaga ba promosaun antiguidade baze ba dekretu lei 46 /2024, 23 dezembru kona-ba Regime da Promoção por Antiguidade do Pessoal do Regime Geral das Carreiras da Administração Pública Komisaun Funsaun Públika kontinua husu ba funsionáriu sira atu sumbete dokumentu sira tuir kritériu sira ne’ebé fixa iha dekretu lei refere.
Prezidente Komisaun Funsaun Públika, Agostinho Letêncio de Deus hateten, promosaun ida ne’ebé mak bele dehan katak foin akontese dentro de tinan 20 resin nia laran, iha funsionáriu lubun ida desde 2002 to’o 2024 kuaze tinan barak nia laran la hetan promosaun, tanba durante ne’e adopta hela promosaun por méritu, ne’ebé baze ba komputadores.
Prezidente KFP ne’e esplika, haree dezafiu lubun ida ne’ebé mak funsionáriu sira enfrenta, liuliu grau kiik G ba grau F sira la konsege hetan iha tinan barak nia laran, la konsege atu pasa iha teste promosaun ne’ebé durante ne’e la’o, tanba difiikuldade oioin, hanesan koñesimentu em termos de materias, distansia tanba balun mai husi munisípiu hodi tuir teste, entaun halo que husi 13 mil ital funsionáriu públiku rejime jeral kuaze maioria la passa, entaun nasaun barak adopta ona sistema seluk, ema bolu promosaun por antiguidadekatak, funsionáriu ida servisu liu ona periodu balun nia laran. Iha Timor iha promosaun por méritu ne’e quatro em quatro anos, saida mak ita adopta katak, depois periodu rua oitu anos mak la pasa Estadu iha dever ida atu buka mekanizmu seluk oinsá mak bele promove funsionáriu mak hamosu promosaun por antiguidade.
Dekretu Lei 46/2004 ne’ebé KFP aprezenta liu husi reuniaun Konsellu Ministrus aprova ona rezolusaun fixasaun total vagas hira mak atu tama ba promosaun por antiguidade. Husi proposta ne’eb’’e aprezenta funsionáriu elejivel hamutuk 3,540 husi total ne’e mak propoin vaga kada grau hahú husi grau boot B ba A por volta 20 pursentu, grau C ba B 25, grau D ba C 30 pursentu, grau E ba D 50 pursentu, grau F ba E 70 pursentu no ba grau kiik liu G – F fixa 90 pursentu.
Tuir Prezidente KFP, promosaun por antiguidade sei hala’o kada tinan, baze ba DL 46/2024 ne’ebé haree mós ba kriterius lubun ida, hanesan valor ba dokumentu avaliasaun dezempeñu muito bom, sertifikadu formasaun no dokumentu seluk tan, wainhira iha falta ruma, represaun eskrita no pena ruma sei la hetan promosaun por antiguidade. Dokumentu sira ne’e sei avalia no verifika husi ekipa juri ba liñas ministeriais hotu hodi haree fila fali sira nia dokumentu sira.
Promosaun por antiguidade ne’e la signifika katak, ema hot-hotu automátika passa, maibé ekipa juri ne’ebé mak kompostu husi liñas ministeriais mak sei haree verifika dadus liu ka lae? dehan Prezidente KFP.
Autoridade Funsaun Públika ne’e esplika ba media GMN TV iha nia knár fatin, diferensia entre promosaun por méritu no promosaun por antiguidade diferensia mak iha de’it teste, promosaun por méritu pasa liu husi teste komputador, maibé promosaun por antihguidade sei la teste, maibé iha kriterius lubun ida mak tenke prense. Nune’e husu ba funsionárius sira iha fulan hirak nia laran ne’e prepara dokumentus hodi submete.
Nia dehan, iha tempu besik KFP sei reenkamiña infromasaun ba liñas ministeriais hotu, tanba promosaun por antiguidade ne’e prinsipal liu mak atu rezolve funsionáriu ne’ebé mak tinan barak nunka hetan promosaun, wainhira reforma karik pelo menos iha netik seguransa sosial ne’ebé mak naton ba sira nia vida durante reforma.