GKN Vizita Kortejia ba Kardinal Timor-Leste

03 Agostu 2022, Komisária KFP, Maria de Jesus Sarmento nu’udar  membru Grupu Konsultivu Nasional Boa Governasaun ho nia ekipa hala’o vizita kortejia ida ba Vossa Excelência Dom Virgilio do Carmo da Silva SDB, Cardeal Timor Leste iha Camara Eclesiástica Arquidiocese Metropolitana de Dili.

Vizita kortejia Grupu Konsultivu Nasional Boa Governasaun fó felisitasaun ba Vossa Excelência Dom Virgilio do Carmo da Silva SDB  ne’ebé hetan fiar nu’udar Kandinal dahuluk nian iha Timor-Leste, ba Uma kreda no ba sarani  sira iha Timor -Leste tomak. Iha enkontru ba vizita kortejia ida ne’e Vossa Excelência Dom Virgilio SDB Cardeal Timor-Leste simu Grupu Konsultivu Nasional  Boa  Governasaun  ho  laran ksolok.

Xefe GKN-Boa Governasaun, Jõao Boavida agadese ba Vossa Excelência  tanba bele disponibiliza tempu hodi hasoru malu, alende ne’e introduz membru sira no ko’alia kona-ba papel GKN nian no introduz kona-ba liberdade informasaaun, anti korupsaun no boa governasaun.

Grupu ne’e kompostu reprezentante husi kada liñas ministeriais, Brigadeiru Jeneral F-FDTL, CEPAD, KAK, PDHJ, PN, KFP no mós reprezentante husi igreija nian.