Governu Aprova Rezolusaun Governu Vagas Promosaun ba Antiguidade

Prezidente no Komisarius Komisaun Funsaun Públika akompaña husi Sekretaria Ezekutiva SKFP audiensia iha Konsellu Ministru aprezenta proposta rezolusaun Governu vagas promosaun ba antiguidade ba funsionarius iha rejime jerál Administrasaun Públika baze ba Dekretu-Lei nr. 46/2024, de 23 de dezembro – Regime da Promoção por Antiguidade do Pessoal do Regime Geral das Carreiras da Administração Pública, iha kuarta feira, (26/02/2025), iha palásiu Governu.
Hafoin aprezentasaun materia rezolusaun ne’e husi Prezidénsia Konsellu Ministrus no Komisaun Funsaun Públika, hetan kedas aprovasaun vaga ne’ebé estabelese ba promosaun tuir antiguidade pesoál ne’ebé integra iha kareira rejime jerál Administrasaun Públika ba tinan 2025.
Husi totál vaga promosaun hamutuk 3540 ne’ebé estabelese hosi Rezolusaun Governu ida-ne’e, 60 aloka ba kategoria Tékniku Superiór – Grau A, 223 ba Tékniku Superiór – Grau B, 561 ba Tékniku Profisionál – Grau C, 965 ba Tékniku Profisionál – Grau D, 1051 ba Tékniku Administrativu – Grau E no 680 ba Asistente – Grau F.