Integridade funsionariu públiku sai dever ida importante iha funsaun públika, liu-liu liga ho dever jeral no dever espesial funsionáriu nian iha servisu fatin sai fatór determinante, no husu mós ba funsioáriu sira atu hala’o deveres sira ne’e ho loloos, justu tuir regras Funsaun Públika define ona, dehan Prezidente Komisaun Funsaun Públika, Faustino Cardoso Gomes, iha (31/07/2019) iha Salaun Apuramentu Administrasaun Munisipiu Baucau.
Iha sesaun diskusaun funsionáriu sira levanta kestoens sira liga ho sira nia deveres sira, maibé direitu la dun tau interese, tanba ne’e iha fatin hanesan Prezidente husu ba funsionáriu sira atu kontinua hala’o knar tuir dever ida-idak ninian, no tuir prosedimentu sira, no sita mós kona-ba promosaun grau ne’ebé mak sei hala’o iha fulan Agostu nia laran to’o fim fulan Setembru.
Prezidente koa’lia liu kona-ba promove itegridade funsionariu públiku iha funsaun públika liu-liu ba dever jeral no dever espesial funsionarius publikus, disiplinar no sita mós kona-ba não ao assédio sexual na função pública no iha mós orador Francisco de Carvalho, Inspetor Jeral Estadu sita mós kona-ba papel IJE nian ba kontrolu utilizasaun rekursu estadu.
Prezidente Komisaun Funsaun Públika koa’lia ida ne’e wainhira sai orador iha programa workshop ho tema jeral “Prevene no Kombate Korupsaun hodi Promove Govenasaun Diak no Proteje Direitus Umanus iha Servisu Administrasaun Públika” ne’ebé organiza husi Provedor Direitus Humanos e Justiça.
Partisipa iha workshop ne’e kargus diresaun no xefia sira husi instituisaun hotu hanesan MAE, MAP, MOP , MTK, MS, MEJD, SEFOPE no Postu Administrasaun 6 ho total partisipantes hamutuk 61 kompostu husi feto 8 no mane 53.
