Komisáriu Komisaun Funsaun Públika portefóliu ba Planeamentu Forsa Traballu, José Telo Soares Cristóvão no Diretur Jeral Estatal, António Guterres hamutuk ekipa juri husi KFP no MAE hala’o abertura teste ba kandidatu haat nulu resin tolu (43) kandidatu tuir teste eletrónika konkore vaga 7 ba Ajente Administrasaun Públika iha salaun Aikurus Binani, KFP, Matadouro, iha kinta-feira, (23-05-2024).
Teste abertura ba kandidatu sira iha salaun Aikurus Binani Komisariu José Telo Soares Cristóvão iha nia intervensaun ne’e esplika, ita tama iha faze ida ne’ebé rigorozu,transparansia, ba ita hotu ema ne’ebé mak atu ba servisu iha autoridade munisipal ne’ebé mai iha testu ne’e depende ba iha prosesu teste ne’e, atu liu eh laliu rezultadu ita boot sira mak bele prense no boa sorte ba kandidatus sira ba teste ne’e.
Prezidente juri, António Guterres dehan, ne’e loron espesial tebes iha prosesu ne’e ita boot sira mak sai hanesan fatór determinante hodi susesu iha faze eskrita ida ne’e no agradese ba ekipa husi KFP ne’ebé fó apoiu másimu ba realizasaun teste ne’e.
Kandidatus ne’ebé tuir teste ba vaga 7 ba ajente administrasaun públika hamutuk 43 kompostu husi feto nain 23 no mane nain 20 no teste ne’e kandidatus admitidu sei destaka ba iha postu administrativu sira hanesan Manatuto Vila, Laclo no Laclubar.
