Jakarta, 14 Jullu 2023 – Kementrian Luar Negeri Republik Indonesia (KEMLU-RI) kontinua destaka funsionariu nain 10 husi pilar Socio Kultural Timor-Leste ba linas ministeriais no instituisaun Estadu save 10 iha Jakarta Indonesia, hodi kontinua sira nia estajiu konesimentu ba servisu koordenasaun husi instituisaun sira ne’e iha nivel ASEAN nian durante fulan ida resin (14 jullu to’o 1 setembru 2023).
Objetivu husi distribuisaun funsionariu sira ne’e atu kontinua atu hatene prosesu prosedural, funsaun, no tarefas servisu iha miniteriu no instituisaun save sira hodi inteira liu tan no aperfeisoa liu tan sira nia konesimentu ba iha koordenasaun, sinkronizasaun servisu iha nivel ASEAN ninian.
Deslokasaun funsionariu hirak ne’e reprezentante KEMLU husu, ba estajiarius sira atu fokus, no aprende teknikamente husi instituisaun save sira, hodi bele hetan buat ruma husi instituisaun hirak ne’e. No oinsa atu hatene ekuadramentu legais sira kona-ba ASEAN, realiza enkontru sira, ho ninia mekanizmu servisu sira, nune’e mos estratejia atu lidera enkontru eh konferensia sira iha nivel ASEAN nian.
Kementrian Luar Negeri Republik Indonesia husu ba instituisaun sira wainhira iha kualker tempu KEMLU mos kontinua husu estajiariu sira atu ba tuir atividade reuniaun ASEAN nian ne’ebe tuir KEMLU ninia estratejia sei koloka hotu estajiariu sira atu aprende liu tan ninia prosesu sira ba ASEAN nian.
Antes destaka, hetan briefing husi ekipa servisu KEMLU Republika Indonézia husi Direktorat Kerja Sama Sosial Budaya ASEAN no kontinua destaka sira tuir sira nia instituisaun save sira hanesan KFP ba Badan Kepegawaian Negara (BKN), Sekretariu Estadu Arte no Kultura ba Kementerian Pendidikan, Kebudayaan, Riset, dan Teknologi, Sekretariu Estadu Ambiente ba Kementerian Lingkungan Hidup dan Kehutanan, SEFOPE ba Kementerian Ketenagakerjaan Perjalanan, MSSI no SEII ba Kementerian Pemberdayaan Perempuan dan Perlindungan Anak, SEJD ba Kementerian Pemuda dan Olahraga, Ministériu Saúde ba Kementrian Kesehatan, , Autoridade Proteção Civil (APC) ba Badan Nasional Penanggulangan Bencana no MAE ba Kementerian Desa, Pembangunan Daerah Tertinggal dan Transmigrasi.
