Komisaun Funsaun Públika aprezenta Planu Asaun Anual KFP ba tinan 2024 nian no atualiza mós ezekusaun orsamentu 2023 nian iha audiensia KFP iha Komisaun A-PN haree ba iha asuntu legislasaun no justisa nian.
Objetivu husi audiensia ne’e Komisaun A atu rona instituisaun sira ne’ebé mak tutela direta ba, hodi rona no hato’o saida mak instituisaun sira ninia planu no programa ba iha 2024, hodi bele hatene ezekusaun orsamentu ratifikativu.
Aprezentasaun orsamentu ne’e KFP hato’o bazeia ba revisaun gastus husi 2023 nian sei atinje husi 81% no proposta prioridade ba 2024 iha planu no atividade hamutuk sanulu resin walu.
Iha audiensia ne’e Prezidente KFP, Agostinho Letencio de Deus aprezenta ezeksaun orsamentu Komisaun Funsaun Públika nian ba tinan 2023 ne’ebé to’o fulan dezembru sei ezekuta to’o 85%, no ezekusaun orsamentu ratifikativu bazeia ba revisaun gastu husi 2023 KFP nian foin atinje 3,257,908,51 (81%).
Komisaun aprezenta mós rezultadu dezempeñu sira hanesan prosesu promosaun ba rejime jeral durante tinan haat iha 4,159 funsionárius promovidu, rejime espesial ba PN funsionáriu nain 5 mak promovidu, progresaun ba profisionais saúde 3,198 no mós ba rejime jeral ne’ebé anualmente hetan progresaun 10,241, rekrutamentu ba rejime profisionais seniores ba nain 22, ingresu espesial ba professores hamutuk 4,089, selesaun ba méritu iha instituisaun Estadu sira hamutuk 28, rejistu avaliasaun dezempeñu 37,334, diseminasaun, monitorizasaun, fiskalizasaun ba patrimoniu estadu, implementasaun subsidiu transporte ba professores hamutuk 15,170 ne’ebé pagamentu realizadu ona, inklui progresu konstrusaun edifisiu KFP E-Recruitment ne’ebé daudaun ne’e iha prosesu no programa implementadu sira seluk.
Nune’e KFP aprezenta mós planu programa no prioridade KFP nian ba tinan 2024 tuir planu atividade anual nian hamutuk 18 (sanulu resin walu) ho totál orsamentu ne’ebé definidu 3 milloes ital.
“Ba planu prioridade 2024 no atividade hamutuk sanulu resin walu (18) mak hanesan; Inovasaun Teknolójia (Sistema aberta no Integrasaun SIGAP FOUN CFO ho GRP – IFMISU MD), Promosaun Funsionáriu Públiku Rejime jeral no Rejime Espesial ba iha rejiaun ha’at, Peskiza Analiza Monotorizasaun no Avaliasaun, Revisaun/ Redasaun kuadru Regulatoriu Funsaun Publika, Formasaun no Desenvolvimentu (Politika ho Instituisaun Relevante INAP, FDCH), Rekrutamentu Eletróniku (e – recturment), Nomeasaun no Selesaun pur Meritu ba Kargu Diresaun no Xefia, Regime Profisionais Senior, Avaliasaun Dezempeñu no rekoñesementu (distinções e prémios) no progresaun eskalaun – Rejime Jeral no Espesial (MS no ME), Planeamentu Forsa Traballu iha Funsaun Públika – Diagnóstiku, Insersaun Regional (ASEAN) paises CPLP no Global, Grupu Jestores dos Profissionais Rekursu Humanu – GJPRU, Investigasaun Preliminar no prosessu disiplinar iha Funsaun Públika, Inspesaun no auditoria funcionario iha funsionalismu publiku, Pensaun no Reforma, Desseminasaun Informasaun (Legislasaun Funsaun Publiku, Manuais Operasionais, Lae ba Asediu Sexual iha Funsaun Públika sei kontinua to’o nivel postu administrativu), Servisu Parserias no apoiu ba dezenvolvimentu funsaun públika (ILO, DFAT, PROSIVU, JICA, KOICA) no Abordagem integrada ba jeneru no inklusaun social iha funsaun públika”,
aprezenta Prezidente KFP, Agostinho Letêncio de Deus iha audiensia ho Komisaun A Parlamentu Nasionál.
Prezidente no Komisarius KFP, Sekretaria Ezekutiva akompaña husi Diretor DNEDPA, Diretor DNAF, Diretor DNRDKFP no Xefe Gabinete Prezidente nian iha audensia ba aprezentasaun orsamentu KFP ba iha Komisaun A Parlamentu Nasionál.
Iha audiensia ne’e KFP rekomenda mós atu aselera proposta dekretu lei sira ne’ebé submete ona, mobilidade salárius funsionárius transferidus husi instituisaun ida ba instituisaun seluk, no instituisaun estinta hanesan ANAPMA, pagamentu ba funsionárius promovidus grau iha tinan 2024.
Iha Audensia ne’e hetan partisipasaun husi Ministru Estadu no Prezidensia Konsellu Ministru, Vise Ministru Asuntu Parlamentar, Centro Nacional CHEGA I.P, AMRT no IGE.
Audiensia KFP ho Komisaun A – PN realiza iha loron 30 novembru 2023, iha PN.
