Kestaun liga ho Ajente Administrasaun Públika bele asume kargu, liga ho dekretu lei númeru 25/2016, kona-ba rejime kargu diresaun xefia, iha artigu ida kona-ba lateral entry ne’ebé permite ajente bele asume maibé tenke liu husi konkursu públiku no teste, wainhira manán nia bele tama Ajente no tama ba rejime kontratasaun durante asume kargu ba periodu ninia mandatu, tanba seleksaun ba meritu ne’ebé mak asume ba tinan 4, esplika prezidente KFP iha diseminasaun ne’ebé organiza husi MOP kona-ba dekretu Governu númeru 6/2015, kona-ba rejime jurídiku ba kontratu traballu termu sertu iha administrasaun públika.
Esplika autoridade Funsaun Públika, ita tenke hatene demokrátiku no burokratiku, ne’ebé mak iha dekretu lei númeru 27/2015, rejime apoiu polítiku ne’e define ona membru Governu ida nia mai lori ema apoiu polítiku iha ninia Gabinete ema nain hira tuir ona rejime ne’ebé mak define iha ne’ebá, ne’ebé akomoda ona iha rejime refere hodi sira bolu ema ne’ebé kompetente no konfiansa hodi haknar an iha ne’ebá.
Maibé ida ne’e mak iha tendensia polítika nian, maibé ita lakohi ida ne’e akontese. Haktuir prezidente KFP baze ba referensia Amerika nian kona-ba spoil system, partidu polítiku ida manan mai lori nia ema hotu hodi okupa fatin sira no fila lori hotu, inklui baze dadus no memória institusional lori hotu ne’e akontese too prezidente Amérika ema oho asasinadu, ida ne’e mak ita mós lakohi akontese iha ita nia Administrasaun Públika Timor-Leste nian. Tanba ne’e iha IV Governu konstitusionál harii KFP hodi haree ba ida ne’e, ne’ebé mak nia sob tutela direta husi Primeiru Ministru, ne’ebé mak la halo parte husi estrutura governu ninian.
Kona-ba lisensa sem vensimentu no lisensa espesial sem vensimentu ne’e direitu ida, maibé labele uza fali ba servisu fali iha instituisaun estadu nian tanba lei la permite, lisensa la ho vensimentu wainhira hotu ona tenke ingresa se la ingresa sei automatika hetan demisaun, haklean Faustino Cardoso Gomes.
Tuir estatutu Funsaun Públika lei abilitante Rejime jurídiku ba kontratu traballu termu sertu iha administrasaun públika la iha posibilidade atu determina mobilidade pessoal entre kareira sira ho kontratadu termu sertu, no labele autoriza lisensa sira ba funsionáriu ka ajente ida atu integra iha kontratu termu sertu,exeptu ba funsionáriu ne’ebé assume kargu xefe gabinete, esplika asesór jurídiku KFP, Afonso Soares iha ninia aprezentasaun ba funsionáriu no kargu xefia obras públika nian iha sesta feira, (28/10/2022) iha Timor Plaza.
Aprezentasaun hanesan mós husi asesor jurídiku Obras Públika nian hato’o katak, esepsoens ba aplikasaun rejime ne’e aplika de’it ba gabinete membru Governu sira nian, Prezidensia Repúblika no Parlamentu Nasional. Wainhira funsionáriu públiku ruma mak atu assume kargu iha gabinete ruma tenke husu lisensa espesial sem vensimentu ka halo ezonerasaun husi funsionáriu públiku.
Kestaun hirak ne’e mós levanta husi kargus diretores no xefia obras públika katak, ida ne’e estatutu no situasaun funsionariu públiku iha BTL E.P no RDTL E.P, KFP hamosu lei ruma hodi regula mós salariu kontratu termu sertu bele la lae? Nune’e bele netraliza ka uniformiza salariu ba kontratu termu sertu tenke hanesan, avaliasaun dezempeñu ba ajente adminitrasaun públika la iha efeitu no kestaun seluk liga ho promosaun, reforma, no asuntu relevante seluk.
KFP entende katak, iha lakuna koñesimentu nune’e bele rezolve inklui tékniku sira kestaun hirak ne’e presiza komprende hodi bele rezolve. Nune’e liga ho kestaun prosedimentu sira pr sira konsulta ho juridiku sira wainhira iha duvida ruma.