Sexta-feira loron 1 fulan agustu tinan 2023 Prezidente Komisaun Funsaun Públika-KFP Faustino Cardoso Gomes akompanha husi Komissáriu Fausto Freitas da Silva no Komissária Maria de Jesus Sarmento hala’o reuniaun ho Ministru Obras Públika Samuel Marçal, Sekretáriu Estadu Elektrisidade Água no Saneamentu Santos Noronha iha salaun ministériu obras públika nian.
Ministru Obras Públika Samuel Marçal agradese tebes ba Prezidente Komisaun Funsaun Públika tamba bele disponivel tempu ho Ministeriu hodi solusiona problema sira ne’ebe ligadu ho regras Funsaun Públiku nian, katak Ministeriu presija ema nebe atu servisu maibe karik kriterius ka grau minimu ba funsiunariu sira ne’ebe atu fo konfiansa, presiza Prezidente nia esplikasaun ligadu ba asuntu refere.
Iha parte seluk Sekretáriu Estadu Água no Saneamento Santos Noronha aprezenta ba Prezidente no Komisario sira konaba estatutu EDTL-EP ho BTL-EP ne’ebe diferente ho Estatutu Funsaun Públiku nian, halo maioria funsiunariu servisu iha refere goja hela lisensa sem vensimentu, no instituisaun fo ona opsaun ba funsionáriu públiku sira ne’e, maibe sira la aseita ho opsaun maibe hakarak kontinua goja lisensa sem vensimentu, no funsionáriu públiku sira ne’e kuaze ema tékniku sira deit, karik sira deside la servisu iha empreza no hili funsionáriu públiku sei afeita ba dezempenhu empreza nian, ida ne’e mak sai preokupasaun ba iha Ministeriu.
Prezidente Komisaun Funsaun Públika, Faustino Cardoso Gomes esklarese, audensia sira hanesan ne’e sai tiha ona núdar mekanizmu servisu regular Komisaun nian, halo proativamente, dala balu halo supreza, dala balu liu husi komunikasaun sira hanesan ne’e, ligadu ho administrasaun indireta sira hanesan EDTL-EP no BTL-EP, Komisaun mos halo vizita supreza ba iha ANE, ANAAS, ANAPMA, ne’ebé estinta ona, atu hatene situasaun no kondisaun funsionamentu sira nian, halo tranzisaun devidamente, tuir politika tranzisaun ba funsionariu sira husi instituisaun sira ne’ebe estinta tiha ona ne’e. Tuir Komisaun Funsaun Públika nia hanoin katak tranzisaun tenke akontese, maibe tenke ho saudavel no transparante ho responsabilidade, ne’e prinsípiu fundamental.