Kuarta-feira, 24 Abril 2019 – Prezidente no Komisarius Komisaun Funsaun Públika akompaña husi Sekretaria Ezekutiva no ekipa teknika hodi hasoru Prezidente Parlamentu Nasional (PN) hodi aprezenta relatoriu anual KFP 2018 ao mezmu tempu entrega mós livru inventariasaun patrimoniu estadu iha KFP.
Wainhira deputadus sira disponivel atu halo apresiasaun ba relatoriu anual KFP 2018, KFP prontu atu mai plenaria atu responde ba perguntas husi distintus deputadus sira iha plenaria refere no semana oin ami sei entrega relatoriu hamutuk 70 axemplares atu sira bele halo leitura molok konvida ami mai hodi aprezenta ba sira, atu nune’e sira inteira no sira bele hetan eslaresimentu husi KFP.
Iha relatoriu refere parte ida mak koa’lia kona-ba prosesu disiplinar nian, haree kona-ba funsionariu sira ne’ebé viola lei, dever espesifiku no dever jeral, viola kodigu etika iha funsaun públika nian no viola proibisoens sira ne’ebé mak estatutu funsaun públika define.
“Kuandu sira implikadu ho infrasoens sira ne’e sira hatan ba prosesu disiplinar administrativa ba 2018 no deskreve ema nain 15 mak hetan demisaun. Demisaun katak, sai no nia la tama servisu durante 21 dias tuir malu ne’e automatika hetan demisaun, alende nia hetan pena kriminal no pena prosesu disiplinar administrativa nian, suspensaun, inatividade no pena multa ka koa sira nia salariu, ida ne’e mak lei define tiha ona iha problema asiduidade no pontualidade funsionarius públikus”dehan Prezidente KFP hafoin entrega relatoriu ba Prezidente KFP iha Parlamentu Nasional.
Iha tempu badak PN sei konvoka no sira sei konvida KFP hodi halo aprezentasaun relatoriu refere iha plenaria iha maiu nia laran.
