Iha aprezentasaun ne’e Prezidente KFP atualiza, orsamentu ne’ebé KFP hetan ba tinan 2022, alokasaun USD 2,782,71 husi montante ne’e KFP ezekuta ona 58%, orsamentu ne’e kobre ba programa jestaun rekursus umanus no institusional no igualdade jéneru no inkluzaun sosial husi sub progama 8 no atividade 24.
Husi alokasaun USD 2,782,71 ne’e fahe ba kategoria salariu vensimentu ho montante 1,591,331.00 miliaun montante ne’e ezekuta ona 57%, ba bens servisus 1,101,440.00 miliaun, ne’e ezekuta ona 64%, iha mós iha kapital minor 76,400.00 dólares ne’ebé halo ona kompromisu hein deit halo pagramentu, wainhira kompania sira aprezenta sasan ba iha KFP.
Iha mós transferensia públika ho montante 12,900.00 dólares iha âmbitu ekonomia nian no hela iha prosesu aprovisionamentu, tanba komisaun halo hela ajustamentu halo komunikasaun ho ministériu finansas no prosesu iha hela aprovisionamentu, husi montante ne’e KFP ezekuta ona 58%. Orsamentu ne’e kobre ba programa prinsipal rua, boa governasaun no jestaun institusional no igualdade jéneru no inkluzaun sosial, husi sub progama 8 no atividade 24, hodi kobre ba orsamentu nebe iha. Husi kategoria nebe as liu husi komisaun hetan ba 2022 ninian atu hodi fó asegura salariu no vensimentu ba pessoal traballu iha KFP hamutuk 222, kompostu husi funsionáriu permanentes, ajentes administrasaun públika no kazuais sira balun inklui asesor nasional no internasional no profisional senior sira nebe mak komisaun rekruta no destaka ba ministériu sira nebe mak hatudu interese desde 2019, 2021 no konklui rekrutamentu 2022 nian, esplika aprezenta Prezidente KFP, Faustino Cardoso Gomes wainhira audiensia ho Komisaun G parlamentu nasional iha loron segunda feira, (10/10/2022).
Alende ne’e KFP aprezenta mós planu orsamentu no atividade 2023 nian ho montante ne’ebé aprovadu ba tinan 2023, USD 3,010,462.00 milloens hodi kobre ba atividade Komisaun nian hanesan promosaun, seleksaun, no rekrutamentu ba profisionais seniores, diseminasaun kuadrus legais no atividade seluk tan.
Entretantu, iha audiensia ne’e aprezenta mós atividade ne’ebé durante ne’e KFP ezekuta ona hanesan promosaun ne’ebé mak la’o tinan-tinan, Komisaun kontinua halo atualizasaun baze dadus iha nivel funsaun públika ninian, Ita nia situasaun funsaun publika oras ne’e rejista ho forsa traballu hamutuk rihun 36,442 kompostu husi feto konstitui 35,2% no mane 64,8%. Ao mesmo tempo ita rejista mos situasaun ohin loron nian, kargu diresaun xefia hamutuk 3,756 kompostu husi feto 823 mane 2,933.
Prioridade seluk ne’ebé mak ezekuta ona hanesan dezenvolve SIGAP FOUN, SIGAPnet, portal vagas, atividade rekrutamentu, nomeasaun no seleksaun púr méritu, planeamentu forsa traballu, avaliasaun dezempeñu, formasaun no kapasitasaun, pensaun no reforma, kestoens disiplinares ne’ebé mak KFP kontinua buka atu apura hodi evita hamenus iregularidade iha Funsaun Públika hodi asegura boa governasaun.
Iha audiensia ne’e partisipa mós husi Ministériu Edukasaun Juventude no Desportu no Sekretariu Estadu Juventude no Desportu, Komisárius KFP no ekipa tékniku sira ne’ebé audiensia ho Komisaun Espesializada G trata ba asuntu edukasaun, juventude, desportu no kultura hodi aprezenta mós kona-ba ezekusaun orsamentu ba atividade 2022 no planu atividade 2023 nian inklui diskute asuntu edukasaun nian iha Timor-Leste.