Segunda Feira, 11-02-2019 – Presidente Komisaun Funsaun Publika, tekniku Agensia Desenvolvimentu Nasional (ADN), tékniku Ministeriu Obras Publika (MOP), ho Kompania Karya Timur hala’o inspesaun konjunta ba daruak ba Edifisiu KFP, Vila-Verde, Dili.
Antes inspesaun, Presidente Komisaun Publika, Faustino Cardoso Gomes hamutuk ekipa tékniku estadu ho Kompaña Karya Timur enkontru hodi halo avaliasaun ba item balun ne’ebé identifika presija kompaña hadia maka hanesan, Gibsun/Foru ne’ebé identifika balun dodok udan ben tama no hetan estragus bainhira hadia uma kakuluk, torneira be balun parte liman los la funsiona ho diak, fosa sintina nian nakfera hetan estragus husi kareta kompanhia karya Timur, ACP ida parte uma kakuluk la tuir original no presija hamos tamba konstrusaun uma kakuluk, presija troka olio ba jerador no husu kompaña fó treinamentu ba tékniku lojistiku KFP atu garante operasaun iha futuru.
Alende ne’e identifika AC 14 kompostu 8 at total, enkuantu 6 seluk diak, maibé la malirin, ahi iha jardin at no presija pinta fali foru iha sala auditoriu impaktu be tama husi uma kakuluk.
Durante enkontru kompania Karya Timur, Rahmat Agung promete sei hadia parte sira ne’ebé at bazeia ba retensaun ne’ebé mak iha.
Hafoin enkontru equipa kontinua halo inspesaun ba edifisiu tomak hodi hare direta parte sira ne’ebé at.
