Prezidente Interinu Komisaun Funsaun Públika, asuntu Formasaun, SIGAP no Forsa Traballu, José Telo Soares Cristovão, Sekretaria Ezekutiva, Maria de Jesus Sarmento hamutuk ho ekipa SKFP hala’o enkontru ida ho Ministru Interinu Ministériu Edukasaun Juventude no Desportu hodi halo diskusaun kona-ba mobilizasaun funsionárius públiku rejime jeral ministériu edukasaun munisipiu mai Dili hodi tuir teste promosaun ne’ebé mak sei realiza iha fulan agostu nia laran tinan ne’e.
Enkuantu durante diskusaun Ministru interinu sujere atu forma ekipa ida hodi asegura asuntu ida ne’e nomós asuntu seluk ne’ebé durante ne’e Ministériu Edukasaun hasoru.
Alende ne’e koa’lia mós kona-ba avaliasaun dezempeñu funsionariu sira nian, retroativu esklasaun professores Ministeriu Edukasaun nian no asuntu seluk liga ho jestaun rekursus umanus iha Ministeriu refere.
Enkuantu funsionarius rejime jeral Ministériu Edukasaun nian iha nasional hamutuk 183 no funsionariu 76 mak husi munisipiu mak sei tuir promosaun ba tinan ne’e.
Enkontru ne’e hala’o ohin (19/06), iha sala VIP Ministériu Edukasaun, Vila Verde, Dili.
Foto : Media CFP
