KFP-MS: Lansa Rezultadu Progresaun Ba Profisionais Saúde Nain 624

Komisaun Funsaun Públika no Ministériu Saúde halo lansamentu ba rezultadu progresaun iha kareira profisionais saúde ba nain 624.

Iha tinan 10 la hetan progresaun, liu-liu hanesan rejime espesial ba profisionais saúde durante ne’e seidauk iha prosesu ida oinsá atu bele hetan, ida ne’e foin primeira vez. Tuir lei iha avaliasaun dezempeñu liu-liu iha progresaun nian ne’ebé tuir loloos hetan muito bom dala 3 tuir malu nia iha direitu atu sae eskalaun maibé durante ne’e la akontese. Kestaun ne’e la’ós iha impedimentu ruma maibé administrativu nian mak kompleksu tebes entaun lori tempu naruk, mak pessoal tenke kompleta sira nia dadus mak foin bele elejibel hodi hetan progresaun tuir lei númeru 12/2012 kona-ba um terço nian, esplika Ministra Saúde.

Atualmente iha 1,800 ital pessoas mak goza hela sira nia rejime espesial sira elejibel  ba progresaun ne’e, maibé la’ós sira passa hotu maibé um terço husi 1,800 ital ne’e iha 624 pessoas mak bele hetan progresaun, enkuantu sira seluk sei hetan iha tempu oin mai wainhira sira kompleta dokumentu no hetan avaliasaun dezempeñu di’ak tui-tuir malu, haklean Ministra Saúde Odete Maria Belo.

Iha tempu hanesan Prezidente KFP haklean, ita proklama tan susesu ida oinsá atu fó motivasaun ba profisionais saúde sira ho maneira realiza ba dahuluk iha istória progresaun ba profisionais saúde durante tinan 10 nia laran. Ida ne’e prosesu ida ne’ebé mai husi servisu hamutuk entre Komisaun Funsaun Públika ho Ministériu Saúde, ne’ebé KFP ninia servisu atualiza iha sistema hodi haree kona-ba antiguidade, tanba iha dekretu lei dehan no mínimo tinan tolu, ne’ebé ema prense ona kategoria tinan tolu ne’ebé elijibel, depois haree mós avaliasaun dezempeñu, idade entaun nia mak sai elíjibel. Sistema ne’e montadu no automátikamente baze ba lista 1,856 ne’e ikus mai taes hetan de’it 624 baze ba um terço no kriterius ne’ebé mensiona.

Iha lansamentun ne’e KFP ho Ministériu Saúde hahú ho asinatura dokumentu rezultadu progresaun ba professional saúde husi kategoria sanulu resin neen nian.

Alende ne’e entrega mós sertifikadu apresiasaun ba ekipa servisu husi KFP no Ministériu Saúde ba servisu hamutuk hodi koordena, kolabora ba realizasaun atividade ne’e.

Atividade lansamentu ne’e hala’o horseik (10/10/2022) iha salaun Palácio das Cinzas Ministériu Sáude, iha Caicoli, Díli.

Tagged