25 Jullu 2022, Prezidente no Komisárius Komisaun Funsaun Públika enkontru ho ekipa embaixada Australia ba programa PROSIVU, hahú iha jullu ne’e hasoru ninia parseria sira inklui Komisaun Funsaun Públika hodi ko’alia kona-ba progama sira hodi bele apoia ba KFP iha área administrasaun públika.
PROSIVU ninia pilar tolu ne’ebé mak sei servisu hamutuk ho parseria Governu sira iha área jestaun finansas públikas, dezenvolvimentu ekonomia no reforma administrasaun públika.
Objetivu husi enkontru ida ne’e atu ko’alia ho KFP ba prioridade sira KFP nian ne’ebé mak iha hodi bele hetan apoia husi PROSIVU.
Iha abertura enkontru ne’e Prezidente KFP kongratula ekipa ne’ebé ba projetu ne’e, KFP ninia mandatu ne’e iha prioriade lubun ida iha administrasaun públika.
Alende ne’e toka mós kona-ba apoia asesor sira husi parseria sira nian iha rekrutamentu, disiplinar, jestaun rekursu umanus no teknolojia informátika.
Prioriade KFP nian seluk mak oinsá atu konsolida baze dadus, ne’ebé mak iha anterior KFP kontrata kompania hodi haree ba baze dadus durante 10 resin, maibé iha tinan hirak liu ba KFP deside hakarak restaura an husi kompania no ho ninia ema Timoroan rasik hodi jere sistema informátika baze dadus iha Funsaun Públika, nune’e iha sistema baze dadus hetan apoia husi CARDNO no daudaun ne’e iha hela prosesu nia laran oinsá atu hamosu SIGAP Foun no oinsá buka atu avansa ba interligasaun entre sistema KFP no Ministériu Finansas.
Ekuantu, durante enkontru reprezentante embaixada Australia liu husi programa PROSIVU prontu apoia KFP ba iha área administrasaun públika.
Alende programa seluk mak asuntu inkluzivu iha igualdade jéneru, ema ho defisiensia ne’ebé mak agora Timor adopta ba konvensaun ema ho defisiensia no harmonizasaun legislasaun ba asuntu ne’ebé mak iha ona treinamentu ba ajensia sira no bele inklui mós KFP relasiona ho progama ne’e.