Komisaun Funsaun Públika reprezenta husi Komisária Maria de Jesus Sarmento partisipa iha dialogu tripartida entre Ministériu Edukasaun Juventude no Desportu (MEJD) no profesór sira ba komemora Loron Mundial Profesór sira ho téma hadiak kualidade profesores agora asegura ona kualidade jerasaun futuru.
Iha kuarta feira, (05/10/2022) komisária Komisaun Funsaun Públika, Maria de Jesus Sarmento partisipa iha loron mundial ba manorin nain sira iha TLCE organiza dialogu tripartida entre MEJD no KFP ne’ebé realiza iha salaun ESTV-GTI Becora (STM Becora).
Relasiona ho loron mundial ba manorin nain sira nian, kestaun, dúvidas no preokupasaun profesor sira iha Timor-Leste, deskuti no halo esklaresimentu nesesária ba kestaun sira ne’ebé relativamente ho situasaun profesores iha Timor-Leste.
Iha Enseramentu ne’e Komisaria Komisaun Funsaun Públika, Maria de Jesus Sarmento iha ninia intervensaun hateten, agradese ba profesór sira nia dedikasaun iha dialogu simples ne’e hodi komemora ba loron importante ba profesór sira hotu. Edukasaun importante liu, mak profesores sira dedika aan ba ho hanorin ita nia oan sira iha nasaun ida ne’e. Iha eventu ne’e Komisária lori KFP no MEJD nia naran hato’o parabéns ba loron importante ne’e.
Loron Mundial profesores ne’e komemora anualmente iha loron 5 Outubru desde 1994 ho objetivu atu fó apresiasaun no konvense profesór sira iha mundu katak, profesores mak determina kualidade jerasaun futuru nian.
Tuir UNESCO, Loron mundial profesores reprezentante fó rekoñesimentu no apresiasaun ne’ebé hamosu nu’udar papel vital profesores nian hodi hanorin siênsia no konstrui jerasaun liu nasaun Estadu 400 iha mundu ne’ebé kontribui ona hodi habelar prinsipiu ida ne’e liu husi kampaña konsensializasaun hodi esklarese profesionalizmu profesór sira nian.
Liga ho kestaun barak relativa ho situasaun professores iha Timor-Leste hanesan rekrutamentu profesores, formasaun inisial no formasaun kontinua, profesores voluntaria, reklamadu no kontratadu, promosaun ba kargu diretiva sira, moris di’ak profesores nian, situasaun ida ne’e reprezenta preokupasaun nasional ne’ebé presiza esplikasaun polítika no téknika husi instituisaun no ministériu relevantes. Kestaun sira hotu ne’ebé sai nu’udar preokupasaun profesór sira nian hetan esklaresimentu adekuadu husi MEJD no KFP.
