KFP Partisipa iha Enkontru Jornada Orsamental 2021

04/08/2020 – Prezidente, Komisaria Komisaun Funsaun Públika, Sekretrariu Ezekutivu no mós Ekipa téknika partisipa iha enkontru jornada orsamental 2021 ho tema jeral “Orsamentu Atu Rekupera no Hametin Dezenvolvimentu”.

Objetivu enkontru ne’e atu define prioridade nasional no tetu fiskal 2021 nian.

Enkontru ne’e atu hetan informasaun loos ho komprensivu, konstrutivu ba tetu jornada orsamental nian hodi tuir metas ne’ebé mak sai referensia ba programa estratéjika 2021 nian no mós planu rekuperasaun ekonómika, dehan Ministru Finansas iha Ministériu Finansas.

Iha S.E Primeiru Ministru Taur Matan Ruak nia intervensaun koa’lia pontu lima mak hanesan, dezafius ne’ebé hetan iha 2020; opsoens kresimentu ekonómiku no dezenvolvimentu ekonómiku; diretizmu governamentais tenta intende atu orienta iha ita nia governu; objetivu estadu no governamentais; prioridade setores dezenvolvimentu ba prioridade 2021 no tetu orsamentu.

Partisipa iha enkotnru ne’e Prezidente Parlamentu Nasional, Deputadu sira, Prezidente Tribunal Rekursu, Membru governu sira, Prezidente Autoridades Munisipal, Administrator Munisipais, Diretores Jerais, Diretores Nasionais no Sosiedade Sivil.